सुर्खेत जीप दुर्घटनाः मृतकको सङ्ख्या ४ पुग्यो

१७ जेठ, सुर्खेत । सुर्खेतमा भएको जीप दुर्घटनामा मृत्यु हुनेकाे सङ्ख्या चार पुगेको छ । वीरेन्द्रनगरको रातानाङ्गला नजिकै आज बिहान २ बजे सुर्खेतबाट कालीकोट जाँदै गरेको भे १ च २५६० नम्बरको बोलेरो जीप सुर्खेत-दैलेख सडकखण्ड अन्तर्गत वीरेन्द्रनगरको रातानाङ्गला नजिकै दुर्घटना  चार जनाको मृत्यु  भएको हो । 

जीपमा ८ जना सवार रहेको अनुमान गरिएको छ । दुर्घटनामा परी अहिलेसम्म ४ जनाको मृत्यु भएको जिल्ला ट्राफिक कार्यालय सुर्खेतका प्रमुख, प्रहरी निरीक्षक राजन पौडेलले जानकारी दिए । उनका अनुसार प्रहरी घटनास्थलमा पुगेर उद्धार गर्ने कार्य भइरहेको छ । 

जीप राति दुर्घटना भएपनि जानकारी नभएकाले अहिले प्रहरी घटनास्थलमा पुगेर उद्धार कार्य गरिरहेको सुर्खेतका प्रहरी उपरीक्षक रुपेश खड्काले जानकारी दिए । उनका अनुसार जीप सडकबाट ३ सय मिटर तल खसेको छ ।