दूतावासले भिषा दिए सन्दीप आजै अमेरिका उड्ने, ४ बजे अन्तरवार्ता

१७ जेठ, काठमाडौं । क्रिकेटर सन्दीप लामिछानेलाई नेपालस्थित अमेरिकन दूतावासबाट आज भिसा दिने भनिएपनि उनलाई यसबारे खबर नआएको बताइएको छ । नेपाल क्रिकेट संघ (क्यान)ले लामिछानेलाई भिसा दिने बारे आधिकारिक इमेल प्राप्त नभएको जानकारी दिएको छ । अन्तरवार्ताका लागि भने बोलाएको छ ।
 
अमेरिका र वेस्ट इन्डिजमा हुने विश्वकप क्रिकेटमा सहभागी हुन अमेरिकन दूतावासले उनलाई अन्तरवार्तामा बोलाएका कारण भिसा पाउनेमा ढुक्क छन् । दूतावासले बोलाएपछि भिसा दिने र उनी बिहीबार राती नै अमेरिका जाने तयारीमा छन् । 

नेपाल सरकारले नै उनको भिसा प्रक्रियाका लागि पहल थालेपछि बिहीबार दूतावासले उनीसँग अन्तर्वार्ता लिन लागेको हो । उनको अन्तर्वार्ताको समय अपरान्ह चार बजेका लागि तोकिएको छ । विश्वकप खेल्न अमेरिका पठाउन सन्दीपलाई भिसा दिन सरकारले अमेरिकन दूतावासलाई पत्र लेखेको थियो । विश्वकपको आफ्नो पहिलो खेलमा नेपालले आगामी सोमबार नेदरल्यान्ड्स सँग खेल्दैछ ।