घट्यो पेट्रोलियम पदार्थको मूल्य, ग्यासको यथावत

१८ जेठ, काठमाडौं । नेपाल आयल निगमले पेट्रोलियम पदार्थको मूल्य घटाएको छ ।   पेट्रोलमा प्रति लिटर ३ रुपैयाँ, डिजेल र मट्टितेलको मूल्य प्रति लिटर १ रुपैयाँ घटेको निगमले जनाएको छ । 

हवाई इन्धन र एलपी ग्यासको मूल्य भने यथावत् रहेको छ । अब काठमाडौं उपत्यकामा पेट्रोलको मूल्य १६८ रुपैयाँ प्रतिलिटर कायम भएको छ । डिजेल र मट्टितेलको प्रतिलिटर १५३ रुपैयाँ भएको छ । भारतबाट घटेर आएसँगै नेपालमा पनि घटाइएको हो । घटेको मूल्य आजै राति १२ बजेदेखि लागू हुनेछ ।