काठमाडौंको यी ठाउँहरुमा ‘टी-२० विश्वकप’को निःशुृल्क लाइभ हेर्न पाउने

२१ जेठ, काठमाडौं । आईसीसी टी २० क्रिकेट विश्वकपका खेलहरू काठमाडौंको विभिन्न ठाउँमा प्रत्यक्ष प्रशारण गर्ने भएको छ । काठमाडौं महानगरपालिकाले टुँडिखेल, तीनकुने र हाँडीगाउँमा प्रत्यक्ष प्रदर्शन स्थान तयारी गरेको हो । 

नेपाली समयअनुसार भोलि साँझ सवा ९ बजेदेखि सुरु हुने खेलको प्रत्यक्ष प्रशारण गरिने महानगरले जनाएको छ । यो खेल हेर्नका लागि ठूला एलईडी स्क्रिन राखिनेछन् । महानगरपालिकाले ओपन डोर्स इन्टरटेनमेन्टको सह-आयोजना र खेलकुद मन्त्रालयको सहकार्यमा प्रत्यक्ष प्रसारण गर्ने भएको बताइएको छ ।