एमालेको सक्रिय राजनीतिमा आउन खोजिरहेकी भण्डारीलाई उच्च महत्व दिएर किन बोलायो चीनले ?
नेपालबहस संवाददाता
जेठ २२, २०८१ मंगलबार १२:३:५४
२२ जेठ, काठमाडौँ । पूर्व राष्ट्रपति विद्यादेवी भण्डारीले छिमेकी मुलुक चीनको भ्रमण गर्ने भएकी छिन् । कोरोना संक्रमणको समयमा चिनियाँ राष्ट्रपति सी जीनफिङलाई टेलिफोन गरेर सहयोग गर्न आग्रह गरेकी भण्डारीले अर्को महिना चिनियाँ सरकारको निमन्त्रणामा उच्च तहको भ्रमण गर्ने भएकी छिन् । ‘सरकारकै निमन्त्रणमा हो, उच्च तहको भ्रमण हुनेछ’, पूर्व राष्ट्रपति भण्डारी निकट स्रोतले भन्यो ।
२०७७ वैशाखमा कोरोना भाइरस (कोभिड–१९)को महामारीलाई लिएर दुई राष्ट्रपतिबीच कुराकानी भएको थियो । टेलिफोन संवादमा चिनियाँ राष्ट्रपति सीले अरु बेलाभन्दा अन्तर्राष्ट्रिय समुदायबीच ऐक्यबद्धता र सहकार्य चाहिने बताएका थिए । सीले राष्ट्रपति भण्डारीलाई कोरोना विरुद्ध लड्न चीनले नेपाललाई सहयोग गरिरहने बताएका थिए ।
दुई देशका स्वास्थ्य निकायबीच सहयोगको आदान–प्रदान र सहकार्यमा पनि सीले जोड दिएका थिए । नेपाली राष्ट्रपति भण्डारीले चाहिँ कोरोना भाइरस आफ्नो देशमा नियन्त्रण गर्न सफल भएको र यसविरुद्ध अन्तर्राष्ट्रिय सहकार्य गरेको भन्दै त्यसको सह्राना गरेकी थिइन् । चीनको अनुभवले कोरोनालाई पराजित गर्न अरु देशको आत्म विश्वासलाई पनि बढाउने उनको भनाइ थियो । अत्यावश्यक स्वास्थ्य सामग्री नेपाललाई प्रदान गरेकोमा भण्डारीले धन्यवाद दिएकी थिइन् ।
राष्ट्रपति रहेकै बेला चिनियाँ राष्ट्रपतिसँग कुराकानी गर्ने भण्डारीलाई यसपटक चिनियाँ सरकारले उच्च महत्व दिएर भ्रमणको निम्तो दिएको हाे ।
एमालेको सक्रिय राजनीतिमा आउन सक्ने अड्कलबाजी गरिरहेका बेला अर्को महिना भण्डारीले गर्ने भनिएको चिन भ्रमणलाई लिएर एमाले पंक्तिभित्र अनेकखाले टीका टिप्पणी शुरु भएका छन् । गत जेठ १६ गते प्रज्ञा भवनमा भएको एक कार्यक्रममा भण्डारीले गरेको सम्बोधनबाट एमाले पंक्तिका केही व्यक्तिलाई उत्साही बनाएको छ । साथै अहिले हुने चीन भ्रमणलाई पनि राजनीतिक रुपमा हेर्न थालिएको छ ।
२०७२ मा राष्ट्रपति हुनुअघि एमालेको उपाध्यक्ष रहेकी भण्डारी त्यसपछि पार्टीसँगको औपचारिक सम्बन्धमा छैनन् । एमाले आयोजना गरेको ‘राष्ट्रिय महिला भेला’को उद्घाटन अध्यक्ष ओलीको उपस्थितिमा भण्डारीले गरेकी थिइन ।
अध्यक्ष नै उपस्थित भएको कार्यक्रममा पार्टीको कुनै औपचारिक पदमा नरहेकी भण्डारीले गरेको भेला उद्घाटनलाई राजनीतिक पुनरागमनको रुपमा हेरिएको छ । नेपालका कम्युनिष्टहरूलाई एकै ठाउँ रहन चीनले दबाब दिँदै आएको बेला भण्डारीको नेतृत्वमा एमाले, माओवादी र नेकपा एसलाई एकै ठाउँमा ल्याउन सकिने चीनको बुझाई रहेको एकथरी एमाले नेताहरुकाे धारणा छ ।
भण्डारीको आउँदो भ्रमणबाट चीनले उनलाई कम्युनिष्ट एकताको संयोजनकारी भूमिकामा फर्काउन सक्ने संभावना रहेको भन्दै एमालेका केही नेताहरूले सकारात्मक रुपमा लिएका छन् । यद्यपि भण्डारीको चीन भ्रमणबारे औपचारिक रुपमा जानकारी गराइएको छैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदशैंले समुदाय, परिवार र व्यक्तिबीचको एकतालाई अझ सुदृढ बनाउँदै आएको छ : देउवा
असोज २६, २०८१ शनिबार
कीर्तिपुरमा एमालेको केन्द्रीय कार्यालय शिलान्यास
असोज २५, २०८१ शुक्रबार
आजदेखि प्रधानन्यायाधीश क्वालालम्पुरमा
असोज २५, २०८१ शुक्रबार
आज विजया दशमी, बिहान ११ बजेर ३६ मिनेटमा टिकाको उत्तम साइत
असोज २६, २०८१ शनिबार
पूर्वराजा ज्ञानेन्द्रले सर्वसाधारणलाई लगाइदिए टीका
असोज २६, २०८१ शनिबार
न्यूजील्याण्डविरुद्धको टेष्ट सिरिजका लागि भारतीय टिमको घोषणा
असोज २६, २०८१ शनिबार
दक्षिण भारत रेल दुर्घटनामा १९ जना घाइते
असोज २६, २०८१ शनिबार
आजदेखि नेपालबाट बाहिरियो यस वर्षको मनसुन
असोज २६, २०८१ शनिबार
काभा यू-२० भलिबल च्याम्पियनसिपको फाइनलमा नेपाल उज्बेकिस्तासँग पराजित
असोज २६, २०८१ शनिबार
नयाँ स्वास्थ्य चौकी भवनबाट सेवा सुरु
असोज २६, २०८१ शनिबार
पूर्वराजा ज्ञानेन्द्रले सर्वसाधारणलाई लगाइदिए टीका
असोज २६, २०८१ शनिबार
आइभोरी कोस्टमा प्रतिदिन ६ हजार व्यक्तिको धुम्रपानका कारण मृत्यु हुन्छ
असोज २६, २०८१ शनिबार