टी-२० विश्वकपमा आसिफले ५० र १०० बनाए ,भेट्रान सिटि क्लब वीरगन्जले नगद पुरस्कार दिने

२२ जेठ, वीरगन्ज । अमेरिकामा जारी आइसिसी टी–२० विश्वकप क्रिकेट प्रतियोगितामा वीरगन्ज निवासी नेपाली टोलीका खेलाडी आसिफ शेखले प्रतियोगिताको प्रत्येक खेलमा व्यक्तिगत ५० रन र एक सय बनाएको खण्डमा पुरस्कार पाउने भएका छन ।

भेट्रान सिटि क्लब वीरगन्जले नेपाली टोलीको विकेट किपर समेत रहेका उनलाई ५० रन बनाएको खण्ड ११ हजार नगद र एक सय रन बनाएमा २१ हजार नगद दिने जनाएको छ ।

चैत २०७९ मा काठमाडौंमा भएको आईसीसी विश्वकप लिग २ को निर्णायक खेलमा शेख दाजुभाइले उत्कृष्ट प्रदर्शन गरेकै कारण नेपाल आइसीसी विश्वकप क्वालिफायरमा छनौट हुन सफल भएको थियो ।

जारी टि–२० विश्वकपमा नेपाल समूह डी मा रहेको छ । उक्त समुहमा नेपालसंगै नेदरल्यान्ड्स, दक्षिण अफ्रिका, श्रीलंका र बंगलादेश छन्  ।विश्वकपमा नेपालले आफ्नो पहिलो खेल नेदरल्यान्ड्सविरुद्ध ४ जुन अर्थात् जेठ २२ गते खेल्दैछ ।

नेपाली खेलाडीको मनोबल बढाउनलाई वीरगन्जबासी तर्फबाट सहयोग स्वरूप रकम प्रदान गर्न थालिएको
भेट्रान सिटि क्लब वीरगन्जका उपाध्यक्ष सागर समसेर राणाले जानकारी दिए ।