यसरी कमाई गर्छन् भूमिसुधार तथा मालपोत कार्यालय बर्दियाका कर्मचारी
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
जेठ २४, २०८१ बिहिबार १२:३:४०
![](https://nepalbahas.prixacdn.net/media/albums/land-office-bardiya_YfmBeJl9Ua_0DnCxSmXYF.jpg)
•दीपककुमार शर्मा
२४ जेठ, बर्दिया । भूमिसुधार तथा मालपोत कार्यालय बर्दियाले आफ्नै कार्यालयको नियमलाई लत्याउँदै भ्रष्टाचार गर्नका लागि नयाँ जुक्ति निकालेको छ । कार्यालयमा आएका सेवाग्राहीबाट सोझै रकम माग गर्ने, मागेको रकम नदिएसम्म काम अगाडि नबढ्ने भएका कारण पीडित बनेका सर्वसाधारण नागरिकलाई पछिल्लो पटक कार्यालयका कर्मचारीले जग्गा खरिदकर्ताको मिलेमतोमा ठुलो रकमको कमाई गर्ने गरेको पाइएको छ ।
कार्यालयका कर्मचारीहरू यामलाल कंडेल, गोपाल थापाको योजना तथा इसारामै ठुलो रकमको जग्गा खरिदबिक्रीमा कमिसन लिने गरेको पाइएको छ । उनले बुझे सो कमिसनको रकम अन्य कर्मचारीको भागमा समेत जाने गरेको छ । जग्गा खरिद गर्ने व्यक्तिले जग्गा बेच्ने व्यक्तिको बैंक खातामा रकम जम्मा गरेको भौचर कार्यालयमा पेश गरेपछि मात्रै जग्गा नामसारी हुने नियम रहेको छ तर कार्यालयका कर्मचारी गोपाल थापा र यामलाल कंडेलले जग्गा खरिदकर्तासँग मिलेर लाखौं रूपैयाँसम्म घुस खाएर जग्गा बेच्नेको खातामा रकम जम्मा गरेको बैंक भौचर नभएपनि पास गरिदिने गरेको पाइएको हो ।
यसरी जग्गा खरिदकर्ताको मिलेमतोमा कर्मचारीहरूले आफ्नो काम कर्तव्य बिर्सिएर कमाउन धन्दामा लागेको पाइएको हो । जग्गा खरिदकर्ताले जग्गाधनीलाई विभिन्न आश्वासन र विश्वासमा पारेर रकम बुझाइसकेको भन्ने, भन्न पठाउँदै जग्गा नामसारी भएपछि जग्गाधनीले बाँकी रकम नपाएको भन्दै अदालतमा मुद्दा लडिरहेको देखिएको छ । जग्गा दलालहरूले कर्मचारीसँग मिलेर केही नागरिकलाई सुकुम्बासी समेत बनाइसकेका छन ।
केही दिन पहिले एकजना जग्गाधनीले करिब ५० लाखको जग्गा बिक्री गर्दा जग्गाधनीको खातामा रकम जम्मा भएको भौचर नभएपनि खरिदार गोपाल थापा र यामलाल कंडेलले जग्गा खरिदकर्तासँग मिलेर जग्गा नामसारी गरिदिएका थिए । कार्यालयका कर्मचारीका अनुसार त्यसरी बुझेको रकमको केही हिस्सा लेखापढी गर्नेले समेत बुझे गरेको पाइएको छ ।
कार्यालयका यी दुई कर्मचारी गोपाल थापा र यामलाल कँडेलले गरेको कार्यको विषयमा कार्यालय प्रमुख कृष्णबहादुर खडकासँग बुझ्न खोज्दा उनले यस्तो नभएको दावी गरे । साथै उनले १० लाख भन्दा बढी रकमको जग्गा खरिदबिक्री भएका खण्डमा रकम जम्मा भएको बैंक भौचर हेर्ने गरिएको बताए । तर तपाईँले भने जस्तो कसरी भयो भन्ने विषयमा आफूलाई थाहा नभएको बताए ।
उता यस विषयमा कर्मचारी यामलाल कँडेलसँग बुझ्न खोज्दा उनले पनि सोही जवाफ दिए । तर करिब ५० लाखसम्मको जग्गा खरिदबिक्री हुँदा किन बैंक भौचर खोज्नु भएन भन्दा उनी आत्तिएका थिए । यसरी कार्यालयका कर्मचारीले भ–माफियासँग मिलेर नियम विपरीत कहिलेसम्म लुट्ने हुन भन्न सकिने अवस्था छैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबजेट महाशाखा प्रमुख शाक्य स्टिकर प्रकरणमा तानिएपछि अर्थले गर्यो सहसचिवहरूको सरुवा
असार ११, २०८१ मंगलबार
सरकारी कर्मचारीको मर्यादाक्रमका आधारमा तलबमान निर्धारण गर्न सर्वोच्चको परमादेश
असार १०, २०८१ सोमबार
संसदका कर्मचारीको भत्ता बढाइने, ७ बुँदे सहमति
असार १०, २०८१ सोमबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अन्तरिक्षबाट घरको छतमा टुक्रा खसेपछि नासाविरुद्ध मुद्धा दायर
नेपालबहस संवाददाता
असार १०, २०८१ सोमबार
भारतको सेमिफाइनल खेलमा वर्षा भयो भने के हुन्छ ?
नेपालबहस संवाददाता
असार १०, २०८१ सोमबार
सर्वोच्चले खारेज गर्यो कोशी प्रदेश सरकार विरुद्धको रिट
असार ११, २०८१ मंगलबार
नेपाल आइडल विजेता करण परियारलाई प्रधानमन्त्रीले दिए बधाई, गितार उपहार
असार १२, २०८१ बुधबार
देशभर मनसुनी वायुको प्रभाव : आज यी ठाउँहरुमा भारी वर्षा हुने
असार १२, २०८१ बुधबार
इजरायलले उत्तरी गाजाबाट हमास सरकारलाई विस्थापित गर्ने योजना ल्याउँदै
असार १२, २०८१ बुधबार
बारामा ८७ हजार मेट्रिकटन मकै उत्पादन
असार १२, २०८१ बुधबार
एकनाले भरूवा बन्दुकसहित एक जना पक्राउ
असार १२, २०८१ बुधबार
एसईईको नतिजा बिहीबार बिहान सार्वजनिक गर्ने निर्णय
असार १२, २०८१ बुधबार
नेप्से दोहोरो अंकले घट्यो, चार अर्ब भन्दा बढीको कारोबार
असार १२, २०८१ बुधबार