सुरक्षा बैठकलाई चुनौती दिँदै सुनसरीबाट व्यापक तस्करी
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
जेठ २७, २०८१ आइतबार १६:४६:५९
![](https://nepalbahas.prixacdn.net/media/albums/apf_Fex83QuLRp_dRDLzNHVvf.jpg)
२७ जेठ, इटहरी । आजदेखि कोशी प्रदेश स्तरीय सुरक्षा बैठक विराटनगरमा शुरु भइरहेको छ । सो बैठकमा गृहमन्त्री, गृहसचिवदेखि नेपाल प्रहरी र सशस्त्र प्रहरीका आईजीपी, राष्ट्रिय अनुसन्धानका प्रमुख तथा सो प्रदेशका सुरक्षा प्रमुख र सिडिओहरु बीच सीमा सुरक्षा, अपराध र तस्करी नियन्त्रणका एजेण्डामा व्यापक छलफल पनि चलिरहेको छ ।
आज ३ बजेदेखि कोशी प्रदेश स्तरीय सुरक्षासम्बन्धी बैठकमा शुरु भएको छ । सुरक्षा समितिको बैठक अगाडि राजस्व चुहावट रोकथामसम्बन्धी बैठक पनि भएको थियो । बैठकमा कोशी प्रदेशका १४ जिल्लाका प्रमुख जिल्ला अधिकारी, प्रहरी प्रमुख, राष्ट्रिय अनुसन्धानका प्रमुख, सशस्त्र प्रहरी बलका प्रमुख लगायत सहभागी छन्।
तर गृहमन्त्री, गृहसचिव तथा आईजीपीका जतिसुकै निर्देशन र मातहतका निकायको ओठे प्रतिबद्धता भएपनि भारतसँग सीमा जोडिएका कोशी प्रदेशका सीमावर्ती क्षेत्रमा वर्षौदेखि जरा गाडेर बसेका तस्करहरू सल्बलाउन थालेका छन् । खुला सीमाका कारण तस्करी नियन्त्रण चुनौतीपूर्ण बनिरहेका बेला सुनसरी प्रहरीको सेटिङ मै भन्सार छली गरेर अवैध सामानको ओसारपसार गरिरहेका तस्करहरूको रजगज बढ्न थालेको छ ।
उनीहरुले सुनसरी जिल्लामा खटिएको नेपाल प्रहरी, सशस्त्र प्रहरी, सिडिओ , राष्ट्रिय अनुसन्धान तथा राजश्व अनुसन्धान इटहरी कार्यालयसँगको सेटिङमा तस्करीको लाइन खोलेको समाचार छ । सुनसरीका पुराना तस्कर हाजीले यो सबै सेटिङको जिम्मा लिएर मासिक ६० लाख भन्दा बढी उठाएर भाग लगाउने गरेको बताइन्छ । व्यापारी हाजी सुनसरीका पुराना मध्यस्थकर्ताका नाईके हुन ।
अहिले तस्कर हाजीकै सक्रियतामा जमसेद र मुन्ना लगायतका तस्करहरूले सुनसरीका विभिन्न नाका नाकाबाट रातबिरात तस्करी धन्दामा चारचाँद लगाएका छन् । सुनसरीको देवानगञ्ज, कप्तानगञ्ज, हरिनगरा, भूटाहा, भन्टावारी, हुस्की, साहेवगञ्ज लगायतका सीमा नाकाबाट अवैध धन्दाको तहल्का मच्चाएको समाचार स्रोतले बताएको छ । यी नाकाबाट तस्करीका सामान ओसारपसार गर्न तस्करले साइकल, मोटरसाइकल, अटो टेम्पो, पिकअप भ्यान, म्याजिक, ट्याक्टरलगायतका सवारीसाधन प्रयोग गर्ने गरेका छन् ।
यी नाकाबाट तस्करले रातको समयमा नेपालबाट स्याउ, मरिच, सुपारी, रक्सी लगायतका सामान भारततर्फ अवैध ढंगले निर्यात गर्ने एवं भारतबाट चिनी, खाद्यान्न, किराना मालसामान, मलखाद, लत्ताकपडा, मोटर पार्टस्, सिमेन्ट, पेय पदार्थ, कस्मेटिक सामान, फलफूल, बिजुलीका सामान, ब्रोइलर कुखुराका चल्ला, औषधि, स्वास्थ्य सामग्री, माछाको अवैध आयात भइरहेको बताइएको छ ।
समाचार स्रोतका अनुसार हाजी र जमसेदले हुस्की, इनर्वा र भण्टावारीलगायतका सीमा नाकाबाट चिनी तथा कपडाको ठूलो परिणाममा कारोबार गर्ने गरेका छन् । त्यस्तै सशस्त्र प्रहरीका पूर्व कर्मचारी प्रेमले साहेबगञ्जबाट चिनी, किराना आइटम खाधान्न लगायतका सामानको ठूलो मात्रामा अवैध आयात गरिरहेका छन् । सोही नाकाबाट मुन्ना नामक तस्करले पनि कपडा र चिनीको अवैध आयात गरिरहेको स्रोतको भनाइ छ ।
राजश्व चुहावट नियन्त्रणको जिम्मा लिएको राजश्व अनुसन्धान कार्यालय इटहरीका कर्मचारीहरू सेटिङमा मौन बसिदिँदा दैनिक ५ सय बोरा(क्वीन्टल) चिनी बिना भन्सार नेपाल भित्रिरहेको छ । उक्त चिनी सोनापुर, खनार, दुहवी लगायतका बिस्कुट उद्योगहरूमा तस्करले सप्लाई गर्ने गरेका छन् ।
गुडलाइट, क्वालिटी लगायतका बिस्कुट फ्याक्ट्रीमा अवैध रुपमा आयात गरिएको चिनी सप्लाई हुँदै आएको स्रोतको भनाई छ । कपडा, मोटर पार्टस्, हार्डवेयर लगायतका सामानहरू ट्रान्सपोर्टमार्फत काठमाडौं, पोखराका शहरहरूमा पठाइने गरिएको छ । अन्य सामानहरू भने कोशी प्रदेशकै स्थानीय बजार मै खपत हुने गरेको छ ।
आयातमा प्रतिबन्ध लगाइएका मालवस्तुसमेत तस्करीमार्फत नेपाल भित्रिएर बजारमा छ्यापछ्याप्ती पाइनुले सुरक्षा सेटिङ मै काम भइरहेको हो ।। सीमा क्षेत्रमा प्रहरी इमान्दार र अहोरात्र मिहिनेत गर्ने हो भने त्यस्ता वस्तुको सिन्को समेत अवैध आयात हुन पाउँदैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसरकारलाई दिएको समर्थन कायमै राखेर कोशीमा माओवादीका मन्त्रीले दिए राजीनामा
साउन ११, २०८१ शुक्रबार
कोशी सरकारबाट बाहिरिन लाग्यो माओवादी, आज मन्त्रीले राजीनामा दिने
साउन ११, २०८१ शुक्रबार
प्रदेश निजामती सेवा नियमावली, २०८१ स्वीकृत गर्ने कोशी मन्त्रिपरिषदको निर्णय
साउन ९, २०८१ बुधबार
बाग्मतीमा कुन्दन काफ्लेको लफडाले रोकियो मन्त्रीहरुको शपथ
नेपालबहस संवाददाता
साउन ११, २०८१ शुक्रबार
सौर्य एयर दुर्घटना: यस्ता छन हृदयविदारक तस्वीरहरु
नेपालबहस संवाददाता
साउन ९, २०८१ बुधबार
बुधबार पनि आयो दोलखा भीमसेनको शिलामा पसिना, अनिष्ट हुने मान्यता
नेपालबहस संवाददाता
साउन ९, २०८१ बुधबार
माधव नेपालले दिए पार्टी फुटाउने कोसिस भइरहेको संकेत
नेपालबहस संवाददाता
साउन १०, २०८१ बिहिबार
आफूमाथि बलात्कार नभएको भन्दै सन्दीपविरुद्ध मुद्दा अगाडि नबढाउन गौशाला–२६ ले दिइन निवेदन
साउन ११, २०८१ शुक्रबार
प्रहरीको लेखापाल सरुवामा पनि पर्यो सरकार परिवर्तनको असर, यस्तो छ २८९ जनाको सूची
साउन १२, २०८१ शनिबार
'आइभिएफ' प्रविधिबाट बच्चा जन्माउनेको संख्या किन बढ्दैछ ?
साउन १२, २०८१ शनिबार
१७ वर्षीय युवकको मृत्यलाई लिएर धनगढीको नोभा अस्पतालमा तनाब
साउन १२, २०८१ शनिबार
बागमतीमा जोड घटाउ मिलाएर कांग्रेसका ४ मन्त्रीलाई शपथ गराए पनि एक मन्त्रालय अझै पुगेन
साउन १२, २०८१ शनिबार
प्रहरीको लेखापाल सरुवामा पनि पर्यो सरकार परिवर्तनको असर, यस्तो छ २८९ जनाको सूची
साउन १२, २०८१ शनिबार
तरकारी खेतीबाट नाम र दाम दुवै
साउन १२, २०८१ शनिबार
विमान दुर्घटनामा परेकामध्ये ११ जनाको शव परिवारले लगे, विदेशीसहित ७ जनाको बाँकी
साउन १२, २०८१ शनिबार
'आइभिएफ' प्रविधिबाट बच्चा जन्माउनेको संख्या किन बढ्दैछ ?
साउन १२, २०८१ शनिबार