प्रधानमन्त्री मोदीले किसानलाई लागी २० हजार करोड वितरण गर्ने

२८ जेठ, काठमाडौं । लगातार तेस्रो पटक प्रधानमन्त्रीको शपथ लिएको एक दिनपछि प्रधानमन्त्री नरेन्द्र मोदीले किसान सम्मान निधिको किस्ता जारी गर्ने फाइलमा हस्ताक्षर गरेकाे छन् । सोमबार  शपथ लिएको एक दिनपछि प्रधानमन्त्री मोदीले किसानका लागि ठूलो निर्णय लिएका हुन् ।  

प्रधानमन्त्री किसान सम्मान निधिको १७ औं किस्ता जारी गर्ने फाइलमा प्रधानमन्त्री मोदीले हस्ताक्षर गरेका छन् । यसबाट ९.३ करोड किसानलाई फाइदा हुनेछ । करिब २० हजार करोड रुपैयाँ वितरण गरिनेछ।

फाइलमा हस्ताक्षर गरेपछि प्रधानमन्त्री मोदीले किसानको हितमा आफू प्रतिबद्ध रहेको बताए । हामी किसानको हितमा सकेसम्म काम गर्न चाहन्छौं। हाम्रो सरकारले यसका लागि निरन्तर काम गरिरहेको छ र भविष्यमा पनि निरन्तरता दिनेछ। यसअघि प्रधानमन्त्री किसान सम्मान निधि अन्तर्गत फेब्रुअरीमा देशका करोडौं किसानलाई १६ औं किस्ता जारी गरिएको थियो।

के हो पीएम किसान सम्मान निधि योजना ?
प्रधानमन्त्री किसान सम्मान निधि योजना अन्तर्गत, किसानहरूलाई प्रति वर्ष ६ हजार रुपैयाँ सहायता प्रदान गरिन्छ। पैसा सिधै लाभार्थीहरूको बैंक खातामा जान्छ। प्रत्येक २ हजार रुपैयाँ तीन किस्तामा किसानहरूको बैंक खातामा पठाइन्छ।