समितिमा मन्त्रीको जवाफ-सरुवामा पावर चल्दैन भन्दा मन्त्रीको कुर्सी हल्लाउने दवाव आउँछ
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
जेठ २८, २०८१ सोमबार १४:५८:३७
![](https://nepalbahas.prixacdn.net/media/albums/thumb_AN3GX1bwgm_IkayyX92Fr.jpg)
२८ जेठ, काठमाडौं । स्वास्थ्य तथा जनसंख्यामन्त्री प्रदीप यादवले चिकित्सकहरूलाई दुर्गम क्षेत्रमा सरुवा गर्न खोज्दा आफूमाथि ठूलो दवाव आउने गरेको बताएका छन् । सरुवा गरिएको ठाउँमा जानुभन्दा पनि शक्तिको दुरुपयोग गरेर सुगम र शहरहरूमा बस्न चिकित्सकले पावर लगाउने गरेको र पावरले विभागीय मन्त्रीलाई थर्काउने गरेको मन्त्री यादवको भनाइ छ ।
प्रतिनिधिसभाको शिक्षा, स्वास्थ्य तथा सूचना प्रविधि समितिको सोमबारको बैठकमा मन्त्री यादवले चिकित्सकहरूलाई दुर्गम क्षेत्रमा पठाउने विषयमा मन्त्री मात्र नभएर राज्य गम्भीर हुनुपर्ने बताए । दुर्गम र गाउँमा सरुवा भएका चिकित्सकले त्यहाँ हाजिर हुनैपर्ने व्यवस्था बनाउन आवश्यक भएको उनले बताए ।
मन्त्री यादवले भने, ‘पायक पर्ने ठाउँको लागि यस्तो पावर आउँछ, कुर्सी हल्लिन्छ । कुनै पावर चल्दैन, मानिदैन भन्दा पनि व्यवहारिक रूपमा काम गर्न गाह्रो देखियो । तर, जहाँ सरूवा भएको छ त्यहाँ हाजिर हुनैपर्छ । सबैलाई सुगम चाहियो भने गाउँमा कसले हेर्छ ? त्यसैले यसमा म गम्भीर छु ।’
दुर्गममा अस्पताल भवन भएको तर डाक्टर नभएको आफूले पाएको मन्त्री यादवको भनाइ छ । भवन निर्माण हुने तर स्वास्थ्य उपचार गर्ने उपकरण र औजार नभएको तर त्यसको जिम्मेवारी कसले लिने भन्ने यकीन नरहेको पनि उनले बताए । अस्पताल भवन छन् तर डाक्टर छैनन्, उपचार गर्ने उपकरण छैनन् । त्यसको जिम्मा कसले लिने ? संघले सबै पठाउने, प्रदेश र स्थानीय तहले हेरचाह पनि नगरिदिने अवस्था छ, उनले भने ।
स्वास्थ्य क्षेत्रमा रहेका बेथिति अन्त्य गर्नका लागि मन्त्रालय गम्भीर रहेको उनले देशमा तीन तहमा सरकार रहेको तर सबैले आफ्नो काम नगरेको बताए । बागमती प्रदेशको स्वास्थ्य ऐन छैन, अस्पतालको नवीकरण रोकिएको छ, इजाजत रोकिएको छ,’ मन्त्री यादवले भने ।
धेरै अस्पतालमा उपकरणहरूमा मुसाले घर बनाएको मन्त्री यादवले बताए । आवश्यकता रहको ठाउँमा उपकरण नपुगेको तर अनावश्यक ठाउँमा उपकरण पठाएर प्रयोग विहीन बनाइएको पाइएको मन्त्री यादवले बताए । वीर अस्पतालमा एउटै बेडमा दुईजना बिरामी राखेको, महिला र पुरुष बिरामी एउटै ठाउँमा राखेको पाइएको मन्त्री यादवले बताए ।
उनले भने ‘स्वास्थ्य बिमा र औषधि निशुल्क भनेको छ, तर बिरामीले पाइरहेको छैन, निशुल्क औषधि पाइरहेको छैन, कारण के हो ? अध्ययन गर्न जरूरी छ । उद्योगहरूको अनुगमन गर्ने, गुणस्तर जाँच गर्ने, तर प्रयोगशाला जाँच्न लायक छैन । जनशक्तिको धेरै ठूलो अभाव छ । जनशक्ति थप्ने पहिलो निर्णय नै गरेको छु । जनशक्ति थपेन भने अस्पतालको अवस्था जटिल बन्न सक्छ ।’ मन्त्रालयले गलत काम गर्नेहरूलाई कारबाही गर्ने पनि मन्त्री यादवले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप‘तातो हावाको लहर 'लू' प्रतिकार्यमा जुटौँ’
जेठ ३१, २०८१ बिहिबार
असार मसान्तसम्म बीमा नवीकरण गराइसक्नुपर्ने
जेठ २८, २०८१ सोमबार
भोजपुरको प्याउलीमा अरुण आँखा उपचार केन्द्र स्थापना
जेठ २८, २०८१ सोमबार
प्रेम सफल नबन्दा दुई प्रहरी जवानले गरे आत्महत्या
नेपालबहस संवाददाता
असार ५, २०८१ बुधबार
धनगढीमा गर्मीले बेहोस भएका एक व्यक्तिको मृत्यु
नेपालबहस संवाददाता
असार ४, २०८१ मंगलबार
गृहमन्त्री लामिछानेविरुद्ध काठमाडौं प्रहरीमा सहकारी ठगीसम्बन्धी अर्को उजुरी दर्ता
असार ६, २०८१ बिहिबार
सुनचाँदीको मुल्य बढ्यो, तोलाको कति पुग्यो ?
असार ६, २०८१ बिहिबार
म सिंहदरबारमा मन्त्री र संसदमा दलका शीर्ष नेताबाट अपमानित भएः प्रधानमन्त्री
असार ६, २०८१ बिहिबार
सशस्त्रको लापरवाहीले करिब १५ लाख नगदसहित पक्राउ परेका भारतीय तस्कर भन्सारबाटै गायव
असार ७, २०८१ शुक्रबार
शुक्रबार तोलाको १९ सयले बढ्यो सुनको मूल्य
असार ७, २०८१ शुक्रबार
न्यायाधीशद्वय मल्ल र सुवेदीको इजलासमा पर्यो गृहमन्त्री लामिछानेविरुद्धको रिट
असार ७, २०८१ शुक्रबार
राजदूत भागबण्डामा प्रधानमन्त्री खिन्न
असार ७, २०८१ शुक्रबार
जोखिम मोलेर साँघु तर्दै
असार ७, २०८१ शुक्रबार
आजदेखि उपत्यकामा मेलम्चीको खानेपानी पानी बन्द
असार ७, २०८१ शुक्रबार