गण्डकीमा मुख्यमन्त्रीले विश्वासको मत लिने प्रक्रिया सुरु

२८ जेठ, काठमाडौं । गण्डकी प्रदेशको प्रदेशसभा बैठकमा मुख्यमन्त्री सुरेन्द्रराज पाण्डेले विश्वास मत मागेका छन् । सोमबार अपरान्ह बसेको प्रदेश सभा बैठकमा मुख्यमन्त्री पाण्डेले विश्वास मतसम्बन्धी प्रस्ताव राखेका हुन् । पाण्डेले राखेको विश्वास मतमाथि अहिले छलफल भइरहेको छ ।

मुख्यमन्त्री पाण्डेले संविधानको धारा १६८ को उपधारा ४  र प्रदेश सभा नियमावली २०८० को नियम १५० बमोजिम विश्वास मत प्रस्ताव राखेका छन् । ६० सदस्यीय गण्डकी प्रदेश सभामा बहुमतका  लागि ३१ सांसदको साथ चाहिन्छ । प्रदेश सभामा नेपाली कांग्रेसका २७ जना सांसद छन् । पाण्डेलाई बहुमत प्राप्त गर्न कांग्रेस बाहेक थप चार मत चाहिन्छ ।