बनाउन दिएको मोबाइलबाट युवतीको अश्लिल भिडियो बनाउने २ जना पक्राउ

२८ जेठ, कैलाली । धनगढीमा युवतीको अश्लील भिडियो बनाएको आरोपमा मोबाइल ग्यालरीका सञ्चालक सहित दुई जनालाई आज पक्राउ गरिएको छ । पक्राउ पर्नेमा धनगढीस्थित त्रिनगर सपिङ कम्प्लेक्समा रहेको आशिष मोबाइल ग्यालरीका सञ्चालक धनगढी–१ का शल्ताज आलम र उनको पसलमा काम गर्ने १३ वर्षीय बालक रहेको जिल्ला प्रहरी कार्यालयका प्रहरी नायब उपरीक्षक कविन्द्रबहादुर बोहोराले जानकारी दिए । 

मोबाइल पसलमा मर्मत गर्न दिएको मोबाइलमा मोबाइल धनीको बहिनीको मुखाकृति जोडी अश्लील भिडियो, फोटो बनाइ मोबाइल धनीको फेसबुक मेसेन्जरमा पठाएको तथा मोबाइल धनीको फेसबुक आइडी आफैंले चलाइ विभिन्न अश्लील साइट सर्च गरेको भेटिएपछि उनीहरुलाई पक्राउ गरिएको बोहोराले बताए ।  

पीडित युवतीले दिएको जाहेरीका आधारमा उनीहरुलाई पक्राउ गरी थप अनुसन्धान अगाडि बढाइएको प्रहरीले जनाएको छ ।