महोत्तरीमा बोक्सी भन्दै महिलामाथि कुटपिट गरेको आरोप

३० जेठ,  जनकपुरधाम । महोत्तरीमा बोक्सी आरोपमा एक महिलामाथि कुटपिट भएको छ। भंगहा नगरपालिका-१ कविलासीकी ४० वर्षीया जगतारन देवी साहमाथि बोक्सी आरोपमा कुटपिट भएको हो।

कुटपिटबाट घाइते जगतारन देवीको उपचार जनकपुरधाम स्थित काव्या अस्पतालमा भइरहेको छ। गत सोमबार दिउँसो २ बजे टुनामुना लगाएको आरोपसहित अभद्र गालीगलौज गर्दै छिमेकी ५० वर्षीय राजेश साहले घरमै पसेर आफूमाथि कुटपिट गरेको उनको आरोप छ। महोत्तरी प्रहरीले भने घटनाका बारेमा अनुसन्धान थालिएको जनाएको छ।