संवैधानिक निकायका ५२ जना पदाधिकारीको मुद्दाले सर्वोच्चमाथि उठायो प्रश्न, ३ वर्षदेखि लिङगरिङ
नेपालबहस संवाददाता
जेठ ३०, २०८१ बुधबार १७:३३:५१
३० जेठ, काठमाडौं । तत्कालीन प्रधानमन्त्री केपी शर्मा ओलीले तीन सदस्य उपस्थितिबाट नियुक्त गरेका संवैधानिक निकायका पदाधिकारीसम्बन्धी मुद्दा सर्वोच्च अदालतमा लिङरिङ भइरहेको छ । अख्तियार दुरुपयोग अनुसन्धान आयोगसहितका संवैधानिक निकायमा ५२ जनाको नियुक्ति प्रक्रिया संविधान विपरीत भएको दाबी गर्दै मुद्दा दायर भएको थियो । पेशीमा चढेर पनि यो मुद्दाको सुनुवाइ बुधबार पनि भएन ।
यो मुद्दा करिब ३ वर्षदेखि सर्वोच्चमा अल्झिरहेको छ भने सर्वोच्चमाथि प्रश्न उठाइरहेको छ । प्रधान न्यायाधीश विश्वभरप्रसाद श्रेष्ठसहित न्यायाधीशहरू प्रकाशमानसिंह राउत, सपना प्रधान मल्ल, कुमार रेग्मी र हरिप्रसाद फुयाँलको इजलासमा १६ औँ नम्बरमा पेसी तोकिएको यो मुद्दा हेर्न नभ्याउने हुँदै स्थगित भएको हो । उक्त विवादमा न्यायाधीश कुमार रेग्मी र हरिप्रसाद फुयाँलले हेर्न नमिल्ने थियो ।
२०७७ सालमा दर्ता भएका मुद्दाहरू अन्तिम सुनुवाइका लागि भन्दै पेसी तोकिने अनि हेर्न नभ्याउने हुँदै आएका छन् । संवैधानिक इजलास हप्तामा दुई दिनमात्र बस्ने भएकाले पनि यो विवाद लामो समयदेखि सुनुवाइ हुन सकेको छैन । तत्कालीन प्रधानमन्त्री ओलीले तीन सदस्य उपस्थित संवैधानिक परिषदबाट सिफारिस गरेका पदाधिकारीको कार्यकाल सर्वोच्च अदालतले मुद्दामा सुनुवाइ नै नगरी पूरा हुन लागेको छ ।
सो समयमा नियुक्तिमा भाग लिएका तीनमध्ये एकजना प्रधानन्यायाधीश चोलेन्द्रशमशेर जबरा भएका कारण मुद्दामा सुनुवाइ हुन सकेको थिएन । जबरा महाभियोगबाट निलम्बित भएपछि बसेको पहिलो संवैधानिक इजलासले ५२ पदाधिकारी समेतलाई विपक्षी बनाउन आदेश गर्दै रिटलाई अग्राधिकार प्रदान गरेको थियो । तर, सर्वोच्चको संवैधानिक इजलासले अग्राधिकार प्रदान गरेको रिट सर्वोच्चले नै पन्छाउँदै न्यायिक संरक्षण दिइरहेको छ ।
न्याय प्रशासनको नेतृत्वका हिसाबले प्रधानन्यायाधीशले यसमा हस्तक्षेप नगर्दासम्म ५२ पदाधिकारी नियुक्तिविरुद्धको रिटमा सुनुवाइ हुन नसक्ने देखिएको छ । संविधान विपरीतको अध्यादेशबाट भएको नियुक्तिमा तीन वर्षसम्म निर्णय नहुनु, असंवैधानिक पदाधिकारीबाट संवैधानिक भूमिका निर्वाह हुनु र न्यायालयबाट पनि त्यसलाई सच्याउने प्रयत्न नहुनुले चिन्ताका विषय हुन थालेको छ ।
अख्तियार दुरुपयोग अनुसन्धान आयोग, राष्ट्रिय मानवअधिकार आयोग, निर्वाचन आयोगसहित संवैधानिक निकायमा त्यही सिफारिसबाट नियुक्त पदाधिकारीमाथि अग्राधिकार दिएर सर्वोच्चले ति पदाधिकारीहरूलाई पनि स्पष्टीकरणको मौका दिएर निर्णय गर्ने आदेश गरेका थियो । तर, इजलासले सुनुवाइ भने गर्न सकेको छैन । गएको माघ १६ मा साप्ताहिक सूचीबाट एक नम्बरमा तोकिएको असंवैधानिक रूपमा पदाधिकारी नियुक्तिविरुद्धको रिटमा प्रधानन्यायाधीश विश्वम्भरप्रसाद श्रेष्ठ जिल्ला भ्रमणमा हिँडेपछि इजलास नै बस्न नसकेर स्थगित भएको थियो ।
करिब तीन महिनाको अन्तरालमा पेसी चढेको ‘अग्राधिकार प्राप्त रिट’ पुनः साढे तीन महिना सरेर जेठ ३० अर्थात् आजका लागि पेसी सरेको थियो । तर, बुधबार रिट १६औं नम्बरमा पर्दा पालो नआएर हेर्न नभ्याइनेमा परेको हो । अर्काे पेसी आउँदो भदौ १९ गतेलाई तोकिएको छ । २०७७ मंसिर ३० र ०७८ वैशाख २१ मा भएका नियुक्ति सिफारिस राणा हुँदासमेत अगाडि बढेको थिएन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराष्ट्रपतिबाट नवनियुक्त प्रधानन्यायाधीश राउतले लिए शपथ
असोज २०, २०८१ आइतबार
प्रकाशमानसिंह राउत सर्वोच्चको प्रधानन्यायाधीशमा नियुक्त
असोज २०, २०८१ आइतबार
कमला ह्यारिसको समर्थनमा ३० मिनेटको भिडियो रेकर्ड
नेपालबहस संवाददाता
असोज २६, २०८१ शनिबार
इन्स्पेक्टर शाही निलम्बन प्रकरणमा एसपी थापामाथि पनि अनुसन्धान हुँदैछ ?
नेपालबहस संवाददाता
असोज २६, २०८१ शनिबार
अफ्रिकाको सहारा मरुभूमिमा ५० वर्षपछि ठुलो वर्षा
नेपालबहस संवाददाता
असोज २७, २०८१ आइतबार
इजरायली आक्रमणले लेबनानी मस्जिद ’पूर्ण रूपमा’ ध्वस्त स मिडिया
नेपालबहस संवाददाता
असोज २७, २०८१ आइतबार
अफ्रिकाको सहारा मरुभूमिमा ५० वर्षपछि ठुलो वर्षा
असोज २७, २०८१ आइतबार
इजरायली आक्रमणले लेबनानी मस्जिद ’पूर्ण रूपमा’ ध्वस्त स मिडिया
असोज २७, २०८१ आइतबार
बाबा सिद्दिकीको हत्यापछि बलिउडका सुपरस्टार सलमानको सुरक्षा बढाइयो
असोज २७, २०८१ आइतबार
श्रीलङ्कामा क्यान्सरका कारण १९ हजार जनाको मृत्यु
असोज २७, २०८१ आइतबार
चीनमा ग्यास चुहावट हुँदा सात जनाको मृत्यु, चार घाइते
असोज २७, २०८१ आइतबार
तनहुँ कारागारमा कैदीबन्दीको उपचारमा समस्या
असोज २७, २०८१ आइतबार
तनहुँमा भाइरल ज्वरो तथा डेङ्गुका बिरामी बढ्दा अस्पतालमा शय्याको अभाव
असोज २७, २०८१ आइतबार
डडेल्धुरामा १४ वर्षीया किशोरीको हत्या आरोपमा ५८ वर्षीय भण्डारी पक्राउ
असोज २७, २०८१ आइतबार
महिला टी २० विश्वकपमा इङल्याण्डद्धारा स्कटल्याण्ड पराजित
असोज २७, २०८१ आइतबार