कुमारी बैंकको संस्थापक शेयर बिक्रीमा

३१ जेठ, काठमाडौं । कुमारी बैंक लिमिटेडले संस्थापक शेयर बिक्रीमा राखेको छ। बैंकले संस्थापक शेयरधनीको स्वामित्वमा रहेको एक लाख ६२ हजार ९६७ कित्ता शेयर बिक्रीमा राखेको हो। हाललाई यस शेयरमा बैँकका कायम शेयरधनीले मात्रै खरिद आवेदन दिन पाउनेछन्। 

इच्छुक शेयरधनीले ३५ दिनभित्र बैँकको शेयर रजिस्ट्रार कुमारी क्यापिटल वा टंगालस्थित बैँकको केन्द्रीय कार्यालयमा आइ पुग्ने गरी आवेदन दिनुपर्ने छ। शेयरको बिक्री मूल्य भने बिक्रेताले तोकेबमोजिम हुने बैंकले जनाएको छ। साथै, तोकिएको समयभित्र शेयर खरिदका लागि आवेदन नपरेमा अन्य व्यक्ति तथा कम्पनीलाई बिक्री गर्ने प्रक्रिया अघि बढाइने पनि बैंकले जनाएको छ।