वीरगन्जको शारदा माविमा सञ्चालित प्राविधिक शिक्षा प्रबर्द्धनका लागि सहयोग समिति गठन

३१ जेठ, वीरगन्ज । वीरगन्ज महानगरपालिका-२४ मा रहेको श्री शारदा माध्यमिक विद्यालयमा सञ्चालित प्राविधिक शिक्षा प्रवर्द्धनका लागि सहयोग समिति गठन भएको छ ।

मंगलबार विद्यालयमा प्रधानाध्यापक विनोद मेहताको अध्यक्षतामा बसेको बैठकले प्राविधिक शिक्षा प्रबर्द्धनका लागि सर्व सहमतिमा ९ सदस्यीय सहयोग समिति गठन गरेको हो ।

श्याम सर्राफको संयोजकत्वमा गठन गरिएको सहयोग समितिको सदस्यमा प्रकाश थारु, संजिव मिश्रा, राजेन्द्र सिंह, अनिशकान्त कुशवाहा, प्रेम पटेल, सन्नी कुमार दुवे, कृष्ण कुशवाहा रहेका छन् ।

गठित समितिले सो विद्यालयको प्राविधिक लगायतका शैक्षिक धारको प्रवर्द्धनका लागि आवश्यक पहल प्रयास तथा कार्य गर्न गराउन सहयोग गर्नेमा आफू विश्वस्त रहेको प्रधानाध्यापक मेहताले बताए । समितिले आवश्यकता अनुसारको कार्यक्रम बनाउने रणनीति तय गर्ने तथा सो बमोजिमको कार्य गर्ने गराउने निर्णय गरिएको समेत थपे ।

सो बिद्यालयले २०७३ सालमा सम्बन्धन प्राप्त गरि प्राविधिक शिक्षा तर्फको ३ वर्षे डिप्लोमा र १८ महिने प्रि–डिप्लोमा तह कृषि बाली विज्ञान 'जेटिए' तथा भेटनरी 'भिजेटिए' अध्ययन अध्यापन गराउँदै आइरहेको जनाइएको छ ।