नतिजा अनुमोदनसहित सर्वोच्चमा चार जना न्यायाधीशको नाम सिफारिसका लागि बोलाइयो न्यायपरिषद

३१ जेठ, काठमाडौं । सर्वोच्च अदालतमा रिक्त चार न्यायाधीश नियुक्ति प्रक्रिया अगाडि बढाइने भएको छ । यसका लागि बिहीबार अपरान्ह न्याय परिषद् बैठक बोलाइएको छ । बैठक जिल्ला न्यायाधीशको लोकसेवाको नतिजा अनुमोदन गर्न बोलाइएको बताइए पनि न्यायाधीश नियुक्तिबारे छलफल हुनेछ । 

बैठकमा न्यायाधीश नियुक्तिका लागि सिफारिससहितका विभिन्न एजेन्डा राखिएका छन् । बैठकमा सर्वोच्चका लागि चार न्यायाधीश नियुक्तिका लागि सिफारिस हुने सम्भावना रहेको छ । सर्वोच्चका वरिष्ठतम् न्यायाधीश आनन्द मोहन भट्टराई अवकाशमा जान लागेको र मुद्दाको चाप व्यवस्थापनका लागि पनि तत्काल सर्वोच्चमा रिक्त न्यायाधीश सिफारिस गर्नुपर्ने अवाज उठिरहेको छ । 

चारमध्ये बाहिरबाट दुई र विभागबाट दुईजना ल्याउने विषयमा विवाद छ । सत्ता पक्षमा पनि एमाले र माओवादीबीच आफ्नो व्यक्तिलाई भन्ने विवाद देखिएको छ । कानुनमन्त्रीले महान्यायाधिबक्ता दिनबन्धु पोखरेलका विषयमा असहमति राख्दै आएका छन् । गृहमन्त्री रवि लामिछानेको बचाउन प्रकरणमा महान्यायाधिवक्ता दीनबन्धु पोखरेल विवादमा तानिएका छन् । उनीविरुद्धको मुदद सर्वोच्चमा छ ।   

दिनमणि पोखरेलसहित नृपध्वज निरौला, नित्यानन्द पाण्डे, शान्ति सिंह, टेकनारायण कुँवर, रमेश राजभण्डारी, लोहितचन्द्र शाह र श्रीकान्त पौडेलको नाम सर्वोच्चको न्यायाधीशका लागि चर्चामा छ ।