बस र कार जुधेर घाइते भएकाहरूको पहिचान खुल्यो

३२ जेठ, धादिङ । शुक्रबार बिहान पृथ्वी राजमार्ग अन्तर्गत चितवनको फिस्लिङ बजार नजिक दुई वटा सवारीसाधन एकापसमा ठोक्किँदा घाइतेभएकाहरुको पहिचान खुलेको छ । घाइते संख्या १३ रहेको छ भने ती मध्येक ६ जनाको अवस्था सामान्य र ३ जना गम्भिर छ भने ४ जना डिस्चार्ज भएका छन् । 

नेपालगञ्जबाट काठमाडौँतर्फ गइरहेको भे १ ख ४०६० नम्बरको यात्री बस त्रिशूली नदी किनारमा खसेको थियो । काठमाडौँबाट मुग्लिनतर्फ गइरहेको बागमती प्रदेश ०२–०३९च ३७२० नम्बरको कार एकापसमा  ठोक्किँदा बस नदी किनारमा खसेको हो । कारलाई जोगाउन खोज्दा बस नदीमा किनारमा खसेको प्रत्यक्षदर्शीको भनाइ छ । 
 
जिल्ला प्रहरी कार्यालय चितवनका प्रहरी नायब उपरिक्षक तथा प्रहरी प्रवक्ता रवीन्द्र कुमार श्रेष्ठका अनुसार कारमा सवार तीन जनाको अवस्था भने गम्भीर छ । उनीहरु कास्कीको पोखरा उपमहानगरपालिका ५ का ३५ बर्षीय समीर ओझा, काठमाडौँ टोखा नगरपालिका ६ बस्ने २२ बर्षीय शेखर मिश्र र ललितपुर महानगरपालिका २४ बस्ने २१ बर्षीय सिृजन ओझा रहेका छन् । 

उनीहरुको चितवनको पुरानो मेडिकल कलेजमा उपचार भैरहेको छ । कारमा सवार ललितपुर महानगरपालिका २४ बस्ने १७ बर्षको सितल ओझा, सोही स्थानकी ३५ बर्षीया सरिता ओझाको अवस्था सामान्य रहेको प्रहरीले जनाएको छ । दुर्घटनामा घाइतेभएका ४ जनाको उपचार सकिएको छ । 

बसमा सवार बर्दियाको बर्दिया नगरपालिका १२ बन्जाई बस्ने वर्ष ३० को थिर बहादुर के.सी, बर्दिया नगरपालिका ८ का ४८ वर्षका दरु बहादुर शाही, बर्दिया नगरपालिका ९ बस्ने ४८ वर्षका रामकिरण थारु र  सोही स्थानका ३४ बर्षीय बलबहादुर चोधरी स्थानीय पोलिक्लिनिक फिस्लिङमा उपचार पश्चात डिस्चार्ज भएका छन् । 

दुर्घटनामा मध्यम घाइतेहुनेहरुमा बसमा सवार नवलपुर गैंडाकोटका ३८ बर्ष दिलमाया बि.क, सोही स्थानकी १९ बर्षीया परिका सुनार, बाँके कोहलपुर १२ बस्ने ४८ बर्षका धिरेन्द्र बहादुर केसी, बर्दिया बाँसगढी नगरपालिका ९ बस्ने ४८ बर्षका रामकृष्ण थारु रहेका प्रहरीले जनाएकोा छ ।