विश्वकपमा नेपाल र दक्षिण अफ्रीकाबीचको खेल जारी

१ असार, काठमाडौं । आइसीसी टी–२० विश्वकपको समूह डी अन्तर्गत अहिले नेपाल र दक्षिण अफ्रिकाबीचको खेल जारी छ । नेपालले टस जितेर बलिङ गरेको छ भने दक्षिण अफ्रिका ब्याटिङ गरिरहेको छ ।  

आजको खेलमा नेपालले सन्दीप लामिछानेलाई टिममा सामेल गरेको छ  । नेपालको प्लेइङ एघारमा रोहित पौडेल (कप्तान), कुशल भुर्तेल, आसिफ सेख, अनिल शाह, कुशल मल्ल, दीपेन्द्र सिंह ऐरी, सोमपाल कामी, गुलसन झा, करण केसी, सन्दीप लामिछाने र अविनाश बोहोरा रहेका छन्  ।

समूह डी अन्तर्गत नेपालका लागि सुपर आठमा पुग्न यो खेल जित्नै पर्ने अवस्था रहेको छ । यस अघि नेपालले पहिलो खेल नेदरल्याण्डससँग हारेको थियो भने श्रीलंकाविरुद्धको खेल वर्षाले रद्द भएको थियो । त्यस्तै दक्षिण अफ्रिका भने लगातार तीन खेल जितेर सुपर आठमा पुगिसकेको छ ।