युरोकपमा स्वीजरल्याण्डको विजयी सुरुवात

२ असार, काठमाडौं ।  स्विट्जरल्यान्डले युरोकप अन्तर्गत विजयी सुरुवात गरेको छ । शनिबार सम्पन्न समूह ए अन्तर्गतको खेलमा स्विट्जरल्यान्डले हंगेरीलाई ३ -१ गोल अन्तरले पराजित गरेको हो ।

स्विट्जरल्यान्डको जितमा क्वाडवो दुआह, माइकल अबिचेर र बरील एम्बोलोले एक एक गोल गरेका थिए । स्विट्जरल्यान्डले २ गोल पहिलो हाफमा गरेको थियो भने तेस्रो गोल दोस्रो हाफमा गरेको थियो । त्यस्तै हंगेरीले एक गोल खेलको ६६ औ मिनेटमा फर्काएको थियो । हंगेरीका लागि बार्नाबास भार्गाले गोल गरेका थिए ।

यो जितपछि स्विट्जरल्यान्डले पहिलो खेलमा जित हासिल गरेर महत्वपूर्ण ३ अंक हासिल गरेको छ । समूह ए मा आयोजक जर्मनीले पनि पहिलो खेल जितेर ३ अंक हासिल गरेको छ । अब स्विट्जरल्यान्डले दोस्रो खेल जुन २० मा स्कटल्याण्डसँग खेल्ने छ भने हंगेरीले जर्मनीसँग जुन १९ मा खेल्ने तालिका रहेको छ ।