संसदका कर्मचारी फकाउन सभामुखदेखि सचेतकसम्म बसे छलफलमा

३ असार, काठमाडौं । विभिन्न ११ बुँदे माग राखेर आन्दोलनमा उत्रिएका संसद सचिवालयका कर्मचारीसँग छलफल गर्न सभामुख देवराज घिमिरेले राष्ट्रिय सभाका अध्यक्ष र दलका सचेतकसम्म बोलाएर छलफल सुरु गरेका छन् ।

सभामुख घिमिरे, राष्ट्रिय सभा अध्यक्ष नारायण दाहाल, दलको सचेतक र कर्मचारी राज्य व्यवस्था समितिको हलमा छलफल गरिरहेका छन् । 

बैठकमा दुवै सभाका पदाधिकारी, दुवै सभाका प्रमुख सचेतक, मुख्य सचेतक, संघीय संसदका महासचिव र सचिवालय सचिवलगायत सहभागी छन् ।

संघीय संसद सचिवालय कर्मचारी युनियनका तर्फबाट अतिरिक्त समयमा गरेको कामको भत्ता पाउनुपर्ने लगायतको ११ बुँदे माग राखेर आन्दोलनमा छन् ।