राप्रपा अध्यक्ष एवं सांसद लिङदेनले च्याते बजेट पुस्तिका

४ असार, काठमाडौं । राष्ट्रिय प्रजातन्त्र पार्टी (राप्रपा)का अध्यक्ष एवं प्रतिनिधि सभाका सांसद राजेन्द्र लिङ्देनले प्रतिनिधिसभाको रोष्ट्रमममै भौतिक पूर्वाधार मन्त्रालयको बजेट पुस्तिका च्यातेर फालेका छन् । उनले बजेटप्रति असहमति जनाउँदै बजेट पुस्तिका च्यातेको बताएका छन् । 

लिङदेनले आक्रसित हुँदै बजेट पुस्तिका च्यात्दा सांसदहरु मौन बसेका थिए । सवै सांसदले उनीतिरै नजर लगाए । मंगलबारको प्रतिनिधि सभामा बैठकमा मन्त्रालयगत बजेटमाथिको छलफलमा भाग लिँदै उनले बजेट पुस्तिका च्यातेका हुन् ।

पुस्तिका च्यातेर उनले भने, ‘सामान्यतया म आफूलाई हेर्दा कम आक्रोश पोख्ने, कम रिसाउन मान्छे हो । तर, भौतिक पूर्वाधार मन्त्रालयको बजेटको पुस्तिका हातमा पर्याे त्यो दिनदेखि म यसरी तातिएको छु कि यसरी च्यातेर हुर्याउने मन छ । यो संसदीय मर्यादा विपरीत हुने भएकाले पोडियममा राख्छु ।’