बजारमा आयो शिवाकोटीको ‘मान्छे चिन्न जानिन’ बोलको गीत

४ असार, काठमाडौं । सानै उमेरदेखि गीत संगीतमा रूचि राख्ने सुरेश शिवाकोटीले तल्कालिन परिवेशलाई प्रभावकारी बनाउन माया प्रेमलाई उत्कृष्ट तवरबाट संयोजन गरी ‘मान्छे चिन्न जानिन’ बोलको गीत बजारमा सार्वजनिक गरेका छन् । 

शिवाकोटीले सुर्के थैली खै, कुटुमा कुटु सुपारी दाना जस्ता थुप्रै बहुचर्चित गीतका सर्जक राजनराज शिवाकोटी काकाबाट आफू प्रभावित भई यो क्षेत्रमा प्रवेश गरेको बताए । जिन्दगीको दौरानमा धेरै क्षेत्रको अनुभव पश्चात फुरेको शब्द गजलको रुप दिएका गीतकार शिवाकोटीको यो गजललाई ‘एकदिन उज्यालो छाउला’ बहुचर्चित संगीतकार, रचनाकार,आफैमा अब्बल गायक गोविन्द मधुर आचार्यले स्वर दिएका छन् ।

आचार्यको युट्युव च्यानलबाट सार्वजनिक भएको गीतको भिडियोमा गायक आचार्य आफैले अभिनय गरेका छन् । समय सापेक्ष तयार पारिएको हुनाले गीत राम्रो भएको र दर्शक श्रोताले मन पराउने गीतकार शिवाकोटीले बताए ।