गायक महेश र गायिका अस्मिताको इन्गेजमेन्ट

५ असार, काठमाडौं । गायक महेश काफ्ले र गायिका अस्मिता अधिकारीले इन्गेजमेन्ट गरेका छन् । आफूहरूले इङगेजमेन्ट गरेको महेश आफैँले सामाजिक सञ्जाल फेसबुकमार्फत जानकारी दिएका हुन् ।

सहयात्राको यो सुरुआत भन्दै उनले लेखेका छन्, वी आर इङगेज्ड ! आई लभ यू भन्दै महेशले अस्मितासँगका तस्बिर उनलाई ट्याग गरेका छन् । उनीहरू दुवै सांगीतिक क्षेत्रका निकै चर्चित गायक गायिका हुन् । केही गीतमा सहकार्य समेत गरेका उनीहरू केही समयदेखि प्रेम सम्बन्धमा रहेको चर्चा थियो । उनीहरुले केही चर्चित गीत सँगै गाएका पनि छन् ।