मन्त्री र नेताबीच रस्साकस्सी चलिरहेको टेलिकमको हाकिम बन्न १७ जनाले दिए आवेदन

५ असार, काठमाडौं । सरकारी स्वामित्वको नेपाल टेलिकमको प्रबन्ध निर्देशकमा आफू निकटका व्यक्तिलाई नियुक्ति गर्न विभागीय मन्त्री र सत्ता समीकरणमा रहेका नेताबीच रस्साकस्सी चलिरहेको अवस्था एकातिर छ भने अर्कोतिर यसका लागि विभिन्न क्षेत्रका १७ जनाले आवेदन हालेका छन् । सूचना प्रविधि तथा सञ्चार मन्त्रालयले जेठ २२ मा नेपाल टेलिकमको प्रबन्ध निर्देशकका लागि आवेदन मागेको थियो । 

नेपाल टेलिकमको प्रबन्ध निर्देशक नियुक्तिअघि मापदण्ड हेरफेर गरिएको थियो । यो विषय अहलिे विवादित बनेको छ । सरकारले आफू अनुकूलका उम्मेदवारलाई सहज हुने गरी मापदण्ड परिवर्तन गरेको हो । सरकारले नयाँ मापदण्ड जारी गरी उमेरको हदम्याद र योग्यतामा थपघट गरेको छ । दरखास्त दिन ५८ वर्ष ननाघेको हुनुपर्ने भनिएको छ । यसअघि उमेरको हद ५६ वर्ष थियो । 

व्यवस्थापकीय पदमा कम्तीमा ३ वर्षको अनुभव हुनुपर्ने प्रावधान पनि हटाइएको छ । सिभिल इन्जिनियरिङ र मेकानिकल इन्जिनियरिङ विधा राखिए पनि इलेक्ट्रिकल भने मापदण्डमा राखिएको छैन । टेलिकमको प्रवन्ध निर्देशकको लागि आवेदन दिनेमा संगीता पहाडी अर्याल, बुद्धिप्रसाद आचार्य, शालिकराम सुवेदी  विमल आचार्य, राजेश जोशी, अनन्त प्रकाश मल्लिक, रमेशप्रसाद जोशी, कमल लामिछाने, केदारनाथ कोइराला, नगेन्द्र कुमार दास रहेका छन् । 

यस्तै सुभाष शाह, लक्ष्मण महर्जन, शालिकराम पराजुली, अनिलकुमार झा, कृष्णप्रसाद भण्डारी, चिन्तामणि बराल र प्रेमप्रसाद सिलवालले पनि आवेदन दिएका छन । सञ्चार मन्त्रालयका अनुसार आवदेनकमध्ये अब तोकिएको मापदण्ड पूरा गरेको आवदेनमध्येबाट प्रस्तुतीकरण र अन्तरवार्तामार्फत अन्तिम ३ जना छनोट हुने छन् । छनोटमा परेको अन्तिम ३ जनामध्येबाट सरकारले १ जनालाई टेलिकमको प्रवन्ध निर्देशकमा नियुक्त गर्ने छ । 

यसरी चलखेल हुनुमा टेलिकमकै दशौँ तहका कर्मचारी विमल आचार्य र जनक शिक्षा सामाग्री केन्द्रका प्रबन्ध निर्देशक अनिलकुमार झा रहेका छन् । अहिले सञ्चारमन्त्री रेखा शर्माको रोजाइ यीमध्ये एक हुने देखिएको छ । तर टेलिकमभित्रकै कर्मचारी संगठनहरु अमुक व्यक्तिका लागि निर्देशिका परिवर्तन गर्न लागिएको भन्दै अहिले विरोध गरिरहेका छन् ।

 यस्तो थियो आवेदन