४ केजीमाथि कोकिनसहित ५ जना विदेशी नागरिक पक्राउ

६ असार, काठमाडौं । काठमाडौंमा लागूऔषध कोकिनसहित ५ जना विदेशी नागरिक पक्राउ परेका छन् । प्रहरीका अनुसार उनीहरुलाई केहिबेरमा सार्वजनिक गरिँदैछ । नेपाल प्रहरीको लागूऔषध नियन्त्रण ब्यूरोको टोलीले लागूऔषध कोकिनसहित पाँचजनालाई पक्राउ गरेको हो । 

बोलिभिया र तान्जेनियाका नागरिकबाट चार किलोभन्दा बढी कोकिन बरामद गरिएको जानकारी गराएको छ । पक्राउ परेका मध्ये एक भारतीय नागरिक समेत छन् । कोकिन कसरी र कहिले नेपाल भित्र्याइयो भन्नेबारे ब्युरोले बिहीबार (आज) पत्रकार सम्मेलन गरेर जानकारी गराउने तयारी गरेको छ ।