भारत र अमेरिकासहित ८ देशमा राजदूत नियुक्तिका लागि सिफारिस

७ असार, काठमाडौं । सरकारले भारत लगायत आठ देशका राजदूतहरु सिफारिस गरेको छ । बिहीबार बसेको मन्त्रिपरिषदको बैठकले राजनीतिक भागबन्डाका आधारमा राजदूत नियुक्त गरेको हो । पूर्व मुख्य सचिव लोकदर्शन रेग्मी भारत, चन्द्र घिमिरे अमेरिका, सुशील प्याकुरेल दक्षिण कोरिया, सुम्निमा तुलाधर डेनमार्कका लागि राजदूत सिफारिस भएका छन् ।

त्यसैगरी डा विजय पन्त बेलायत, पुष्पराज रन्जितकार स्पेन, नेत्रप्रसाद तिमल्सिना मलेसिया र अबुसुफ्यान खान मुसलमान साउदी अरबका लागि राजदूत सिफारिस गरिएको हो । उनीहरूको संसदीय सुनुवाइपछि नियुक्ति हुनेछ ।