अमेरिकालाई ९ विकेटले हराउँदै वेस्ट इन्डिज विजयी

८ असार, काठमडौं । टी–२० विश्वकपको ‘सुपर ८’मा वेस्ट इन्डिजले अमेरिकालाई ९ विकेटले हराएको छ । टस हारेर सुरुमा ब्याटिङ गरेको अमेरिकाले १९.५ ओभर खेल्दै १२९ रनको लक्ष्य दिएको थियो । वेस्ट इन्डिजले १०.५ ओभरमा मात्र एक विकेट गुमाएर १३० रन जोड्दै ९ विकेटको शानदार जित निकालेको हो ।

वेस्ट इन्डिजका लागि विस्फोटक ब्याटिङ गरेका शाही होपले नटआउट ८२ रन बनाए ।   अमेरिकाका लागि हरमित सिंहले मात्र एक विकेट लिए ।   अमेरिकाका लागि एन्ड्रिज गौसले सर्वाधिक २९ रन बनाए ।  

वेस्ट इन्डिजका लागि रोस्टन चेस र आन्द्रे रसेलले समान तीन/तीन विकेट हात पारेका थिए । उसका लागि अल्जारी जोसेफले दुई विकेट लिँदा गुडाकेश मोतीले एक विकेट लिएका थिए । विश्वकपको सुपर–८ को समूह–२ मा वेस्ट इन्डिजले पहिलो जित निकालेको हो ।

पहिलो खेलमा वेस्ट इन्डिज इंग्ल्यान्डसँग ८ विकेटले पराजित भएको थियो । पहिलो जितसँगै वेस्ट इन्डिज दुई अंकसहित तालिकाको दोस्रो स्थानमा पुगेको छ ।