कोपा अमेरिकामा अमेरिकाको विजयी सुरुवात

१० असार, काठमाडौं । अमेरिकाले जारी कोपा अमेरिकामा विजयी सुरुवात गरेको छ । समूह 'सी' मा रहेको अमेरिकाले सोमबार बिहान सम्पन्न खेलमा बोलिभियालाई २-० गोल अन्तरले पराजित गर्दै विजयी सुरुवात गरेको हो ।

अमेरिकाको जितमा क्रिस्टियन पुलासिक र फोलारिन बालोगनले एक एक गोल गरेका थिए । यो जितपछि समूह 'सी' मा अमेरिकाले महत्वपूर्ण ३ अंक हासिल गरेको छ । अब अमेरिकाले अर्को खेल जुन २८ मा पानामासँग खेल्ने तालिका रहेको छ भने बोलिभियाले उरुग्वेसँग सोही दिन खेल्ने छ ।