स्थानीय तह वित्तीय समानीकरण अनुदानको १६ अर्ब ९९ करोड रकम हस्तान्तरण गर्ने सरकारको निर्णय

१० असार, काठमाडौं । सरकारले आर्थिक वर्ष २०८०/०८१ मा स्थानीय तहलाई हस्तान्तरण हुन बाँकी वित्तीय समानीकरण अनुदानको रकम हस्तान्तरण गर्ने निर्णय गरेको छ । सोमबार सिंहदरबारमा बसेको मन्त्रिपरिषद्को बैठकले हस्तान्तरण हुन बाँकी वित्तीय समानीकरण अनुदानको रकम हस्तान्तरण गर्ने निर्णय गरेको प्रवक्ता भुसालले बताइन् । 

उनले अहिले ८७ अर्ब ३५ करोड २९ लाख विनियोजन भएको र अघिल्लो आर्थिक वर्षमा स्थानीय तहलाई दिने भनेकोमध्ये ९३ प्रतिशत हुनेगरी १६ अर्ब ९९ करोड २२ लाख रुपैयाँ स्थानीय तहमा हस्तान्तरण गर्ने निर्णय भएको बताइन् । वित्तीय समानीकरण अनुदानको रकम हस्तान्तरणको माग गर्दै देशभरका जनप्रतिनिधिहरुले माग गर्दै आाएका थिए ।