११ लाख मूल्य बराबरको भन्सार छलीका सामान बरामद

१० असार, वीरगञ्ज । वडा प्रहरी कार्यालय विर्ताले ११ लाख बराबरको भन्सार छलीका सामग्री बरामद गरेको छ । वीरगञ्जका विभिन्न स्थानबाट ११ लाख मूल्य बराबरको भन्सार छलीका सामग्री नियन्त्रणमा लिइएको वडा प्रहरी कार्यालय विर्ताका प्रमुख प्रहरी निरीक्षक पुष्कर बोगटीले बताए ।

तीन लाख ५० हजार बराबरका विभिन्न किसिमका चक्लेट, तीन लाख मूल्य बराबरको टेम्पर ग्लास, ५० हजार बराबरको सिसाको गिलास र चार लाख मूल्य बराबरको विभिन्न लत्ताकपडा बरामद गरिएको प्रहरी निरीक्षक बोगटीले जानकारी दिए ।

प्रहरी निरीक्षक बोगटीका अनुसार बरामद सामग्रीलाई आवश्यक कारबाहीका लागि वीरगञ्ज भन्सार कार्यालयमा बुझाएको उनले बताए ।