संसदका कर्मचारीको भत्ता बढाइने, ७ बुँदे सहमति

१० असार, काठमाडौं । सरकारले आन्दोलनरत संसद् सचिवालयका कर्मचारीको भत्ता बढाउने भएको छ । सोमबार भएको वार्तामा कर्मचारी र सरकारबीच ७ बुँदे सहमति भएको छ । कानुनमन्त्री पदम गिरी, संसद् सचिवालयका महासचिव पदमप्रसाद पाण्डे र कर्मचारी युनियनबीच सहमति भएको हो । 

सहमति अनुसार संसद् सचिवालयका कर्मचारीको आवास भत्ता, शैक्षिक भत्ता र खाजा खर्च बढ्ने छ । शैक्षिक भत्तामा मासिक तीन सय वृद्धि गर्ने, अतिरिक्त समयमा काम गरेवापत खाजा तथा खाना खर्च दैनिक एक सयले वृद्धि गर्ने साथै यो रकम मासिक रूपमा प्रदान गर्ने सहमति भएको छ ।