इंग्ल्यान्ड वा दक्षिण अफ्रिका, सेमिफाइनलमा को सँग भिड्छ भारतीय टीम ?

१० असार, काठमाडौं । सुपर ८ को समूह बी बाट इंग्ल्याण्ड र दक्षिण अफ्रिका सेमिफाइनलमा प्रवेश गरेका छन् । तर समूह ‘ए’ को सेमिफाइनलको टोली भने खुलाइएको छैन ।

भारत अहिले समुह ‘ए’ मा शीर्ष स्थानमा छ, तर गणित हेर्दा यो समुहका सबै टिमसँग सेमिफाइनल पुग्ने सम्भावना छ । तर टीम इन्डियाको शीर्ष ४ मा जाने सम्भावना सबैभन्दा बढी छ किनभने यसको ४ अंक छ र नेट रन रेट +२.४२५ छ। यस्तो अवस्थामा भारतले सेमिफाइनलमा पुगेमा कुन टोलीसँग भिड्न सक्छ भन्ने कुरा चासाेका साथ हेरिएकाे छ।

तालिका अनुसार हेर्ने हो भने सुपर ८ को समूह ‘ए’ मा रहेको पहिलो टोलीले समूह ‘बी’ को दोस्रो टोलीसँग खेल्नेछ । समूह बी को शीर्ष टोलीले पहिलो समूहको दोस्रो स्थानको टोलीसँग प्रतिस्पर्धा गर्नेछ। सुपर–८ को अन्तिम खेलमा अष्ट्रेलियासँग हारे पनि टिम इण्डिया शिर्ष स्थानमा रहने सम्भावना छ ।

अष्ट्रेलिया र अफगानिस्तानले अधिकतम ४ अंक हासिल गर्न सक्छन् तर भारतको नेट रन रेटभन्दा बाहिर जान निकै गाह्रो छ । यसको मतलब भारत समूह ए को शीर्ष स्थानमा रह्यो भने उसले समूह बी मा दोस्रो स्थानमा रहेको इंग्ल्याण्डसँग खेल्नेछ। यदि टीम इण्डिया समूह ए मा दोस्रो स्थानमा झर्यो भने उसले समूह बी को शीर्ष टोली दक्षिण अफ्रिकाको सामना गर्नेछ।

इंग्ल्याण्डले २०२२ को टी-२० विश्वकप जितेको थियो। डिफेन्डिङ च्याम्पियन बनेको दबाबका बाबजुद इंग्ल्यान्ड फेरि बलियो प्रदर्शन गर्दै सेमिफाइनलमा पुगेको छ । सुपर ८ को अन्तिम खेलमा अमेरिकालाई १० विकेटले हराएपछि जोस बटलर र उनका खेलाडी आत्मविश्वासले भरिएका छन् । त्यसैले सेमिफाइनलमा भारतले इङ्ल्यान्डसँग खेले भने भारतलाई जित दर्ता गर्न सजिलो हुनेछैन ।