संसदमा निर्णयार्थ प्रस्तुत हुने बजेटका पक्ष र विपक्षमा मतदान गर्न सत्तापक्ष र विपक्षीले लगाए ह्वीप

११ असार, काठमाडौं । मंगलबार प्रतिनिधिसभामा निर्णयार्थ पेश गरिन लागेको बजेटका पक्ष र विपक्षमा  मतदान गर्न आफ्ना सांसदहरुलाई दुवै पक्षले ह्वीप लगाएका छन् । स्वतन्त्र सांसदबाहेक दलका सांसदमा ह्वीप लगाइएको छ । नेपाली कांग्रेस संसदीय दलले यसअघि नै सांसदहरूलाई अनिर्वाय उपस्थिति हुनुपर्ने भनिसकेको छ भने नेकपा एमालेले पनि पार्टीका सांसदहरुलाई ह्वीप जारी गरेको छ । 

एमाले प्रमुख सचेक महेश बर्तौलाले बजेटको पक्षमा मतदान गर्न सांसदलाई ह्वीप जारी गरिएको जानकारी दिएका छन् । आज बस्ने प्रतिनिधिसभा बैठकमा बजेटलाई निर्णयार्थ पेस तयारी भएपछि सांसदहरूलाई अनिवार्य बैठकमा उपस्थित हुन भनिएको छ । विपक्षले बजेट पारित गराउने अवरोध गर्न सक्ने भन्दै सत्तापक्षले आफना सांसदहरुलाई ह्वीप लगाएका हुन् । 

नेकपा माओवादी केन्द्रले पनि बजेटको पक्षमा मतदान गर्न सांसदहरूलाई ह्वीप जारी गरेको थियो । रास्वपा, राप्रापा लगायतका दलले पनि सांसदहरूलाई निर्देशन दिइसकेका छन् । सरकारले बहुमतका आधारमा संसदबाट आगामी आर्थिक वर्षको बजेट  पारित गराउने तयारी गरेको छ ।