सुरु भयो नेपाल-चीन कूटनीतिक परामर्श संयन्त्रको बैठक

११ असार, काठमाडौं । दुई देशबीचको व्यापार अभिबृद्धि गर्ने उद्देश्यले नेपाल–चीन कूटनीतिक परामर्श संयन्त्रको १६ औँ बैठक नेपालमा सुरु भएको छ । यो बैठक काठमाडौंको मेरियट होटेलमा चलिरहेको छ । बैठकमा नेपाल–चीन सम्बन्ध र सहयोगका समग्र पक्षमा छलफल सुरु भएको परराष्ट्र मन्त्रालयले जनाएको छ । 

बैठकमा नेपालको नेतृत्व परराष्ट्र सचिव सेवा लम्सालले  गरेकी छन् भने चीनको नेतृत्व उपविदेशमन्त्री सुन वेइदोङले गरेका छन् । बैठकमा सहभागी हुन चीनका उपविदेशमन्त्री वेइदोङ सोमबार काठमाडौं आएका हुन् ।