डिपोजिट मेसिनमा कसरी जम्मा गर्ने चेक, यस्तो छ सिटिजन्स बैंकको प्रक्रिया ?

१३ असार, काठमाडौं । वित्तीय क्षेत्रको डिजिटल कारोबारमा अग्रणी रहेको सिटिजन्स बैंक इन्टरनेशनलले आफ्ना ग्राहकहरूलाई छिटो र प्रभावकारी सेवा दिने उद्देश्यले आधुनिक चेक डिपोजिट मेसिन सञ्चालनमा ल्याएको छ । चेक डिपोजिट मेसिनबाट हाल केही शाखाहरूमा कारोबार गर्न सकिन्छ भने आगामी दिनमा अन्य शाखाहरूमा पनि क्रमशः यो बिस्तार गरिने बैंकले जनाएको छ ।

यस प्रकारको चेक डिपोजिट मेसिन सञ्चालनमा आएपश्चात सेवाग्राहीहरुले छिटो र छरितो रुपमा आफ्नो चेक जम्मा गर्न सक्नेछन् । यस प्रकारको आधुनिक प्रविधियुक्त मेसिनको प्रयोगबाट बैंकद्वारा प्रदान गरिने सेवासुविधाहरु अझ सरल, सहज तथा छरितो हुने बैंकले दावी गरेको छ । सिटिजन्स बैंकका कर्मचारीको भनाइमा प्रविधिको विकास र आम उपभोक्ताको आकांक्षा अनुरूप वित्तीय क्षेत्र विश्वभर नै डिजिटल भइरहेकाले बैंकले पनि यसै अनुसार ग्राहकहरूलाई सेवा दिन थालेको हो । 

सिटिजन्स बैंकले समयानुकूल नयाँ प्रविधिलाई आत्मसात गर्दै अघि बढ्ने नीति लिएको र यस डिजिटल चेक डिपोजिट मेसिनबाट ग्राहकलाई आफ्नो अनुकूल समयमा विना कुनै कागजी प्रक्रिया सुविधाजनक हिसाबले चेक डिपोजिट गर्न सहयोग पुग्नेछ । समयको बचत हुनेछ । २४ घन्टा सेवा उपलब्ध हुने हुँदा सेवा आफ्नो समयानुकूल लिन सकिने जनाएको छ । यसअघि चेक जम्मा गर्न बैंकमा नै पुगेर लाइन बस्नुपर्ने व्यवस्था थियो । यो झन्झटिलो प्रक्रिया अब अन्त्य भएको छ । सिटिजन्स बैंकले देशभरिका शाखामा यो सुविधा पुर्याउने लक्ष्य लिएको छ । 

सिटिजन्स बैंकका अनुसार अब ग्राहकले आफ्नो वा अरु कसैको चेक जम्मा गर्न काउण्टरमै पुगेर लाइन लाग्नुपर्ने झन्झट अन्त्य भएको छ । छोटो समयभित्र चेक आफ्नो खातामा जम्मा गर्न सकिन्छ ।  एटीएम मेसिनमार्फत ग्राहकहरूले चेकमा भएको रकम बैंक खातामा जम्मा गर्न सकिन्छ । हाल बुटवल, वीरगञ्ज, विराटनगर, कलंकी, दरबारमार्ग, नयाँ बजारमा चेक डिपोजिट मेसिन सञ्चालनमा छन् । जुन शाखामा चेकको कारोबार बढी हुन्छ सो शाखामा चेक डिपोजिट मेसिन थप्दै जाने तयारीमा सिटिजन्स बैंक छ । 

अब सिटिजन्स बैंकका शाखा कार्यालयको काउण्टर बन्द भएको समयमा पनि चौविसै घण्टा चेक डिपोजिट गर्न सकिन्छ । यो प्रविधि चेक डिपोजिट मात्रै नभएर सुरक्षाका हिसाबले पनि अत्यन्तै मजबुत रहेको छ । बैंकका अनुसार यसमा चेक जम्मा गर्न आउने मान्छेको विवरण अनलाइनबाट डिजिटल भेरिफाई हुन्छ । चेक डिपोजिट गर्दा सबै गतिविधि डिजिटल रेकर्ड हुने भएकाले आगामी दिनमा तथ्यांक खोज्न वा रेकर्ड निकाल्न पनि सहज बनाइएको छ । चेक डिपोजिट मेसिन पूर्णरुपमा पेपरलेस भएकाले वातावरणमैत्री रहेको बैंकले जनाएको छ । 

सिटिजन्स बैंकका अनुसार चेक डिपोजिट मेसिनमा गएर चेक जम्मा गर्न एकदेखि डेढ मिनेट लाग्छ । पहिला काउण्टरमा जम्मा गर्दा चेकमा हस्ताक्षर गरिन्थ्यो भने अब हस्ताक्षर गर्नुपर्दैन । तर, त्यसको सट्टा मोबाइल नम्बर आवश्यक पर्छ । सुरुमा चेक डिपोजिट मेसिनमा दुई वटा भाषा देखिन्छ । दुइटा भाषामध्ये आफूलाई कुन भाषा अनुकूल हुन्छ त्यो छनोट गर्नुपर्छ । त्यसपछि जसको खातामा चेक जम्मा गर्नुपर्ने हो सो व्यक्तिको खाता नम्बर उल्लेख गर्नुपर्छ । त्यसपछि नाम र आफ्नो मोबाइल नम्बर लेख्नुपर्छ ।

यति गरिसकेपछि अमाउन्ट (रकम) लेखेको ठाउँमा चेकमा उल्लिखित रकम भर्नुपर्छ । त्यसपछि बैंक खाता नम्बर राख्नुपर्छ । मिति लेखिएको ठाउँमा चेकमा उल्लेख गरिएको मिति लेख्नुपर्छ । हालसम्मका विवरण सही छन् भने नेक्स्ट (अर्काे) मा क्लिक गर्नुपर्ने हुन्छ । त्यसपछि इन्टर्न योर चेक लेखिएको ठाउँमा चेकको पाना छिराउनुपर्ने हुन्छ । त्यसपछि चेक जम्मा भएको रिसिप्ट प्राप्त गर्न सकिन्छ । यति भएपछि चेक जम्मा गर्ने कार्य सकिन्छ । 

सिटिजन्स बैंकले भिडियो मार्फत पनि चेक डिपोजिट मेसिनमा चेक जम्मा गर्ने विधिबारे जानकारी दिएको छ । जसमा नागरिका नाम गरेकी महिलाले यसबारे जानकारी दिन्छिन् । यो भिडियो पुरै हेरेको वा सुनेको खण्डमा पनि सिटिजन्स बैंकको चेक डिपोजिट मेसिनमा कसरी चेक जम्मा गर्न सकिन्छ भन्ने जानकारी पाइन्छ । यो हेरेपछि चेक डिपोजिट मेसिन एक त्यस्तो मेसिन हो र जसको सहायताले ग्राहकले सजिलैसँग बैंकमा चेक जम्मा गर्न सक्छन् । विना झन्झट र विना लाइन चेक जम्मा गरेर तुरुन्तै फर्कन सकिन्छ र भिडियोमा यो मेसिनमा चेक कसरी डिपोजिट गर्ने भन्ने कुराले ग्राहकलाई थप सजिलो भएको बैंकको भनाइ छ । #एडभाेटाेरियल

चेक कसरी जम्मा गर्ने हेनुर्स भिडियो: