बजेट महाशाखा प्रमुख शाक्य स्टिकर प्रकरणमा तानिएपछि अर्थले गर्यो सहसचिवहरूको सरुवा

११ असार, काठमाडौं । बजेट तथा कार्यक्रम महाशाखा प्रमुख रहेका सहसचिव रितेशकुमार शाक्य अन्तःशुल्क स्टिकर प्रकरणको भ्रष्टाचार मुद्दामा तानिएपछि अर्थ मन्त्रालयले सहसचिवहरूको सरुवा गरेको छ । 

जिम्मेवारी हेरफेरका क्रममा बजेट तथा कार्यक्रम महाशाखा प्रमुखमा नरेन्द्र रानालाई ल्याइएको छ । यसअघि प्रशासन प्रमुख रहेका नारायण सापकोटालाई महालेखा नियन्त्रकको कार्यालयमा सरुवा गरिएको छ । प्रशासन महाशाखा प्रमुखमा रामप्रसाद आचार्य सरुवा भएका छन् । 

प्रशासन महाशाखामा रहेको सापकोटालाई दुई हप्ता नबित्दै अन्यत्रै सरुवा गरिएको छ । सुशीला अर्याललाई महालेखा नियन्त्रक कार्यालयमा सरुवा गरिएको छ । रामकुमार महतोलाई भन्सार विभागको उपमहानिर्देशकमा सरुवा भएका छन् ।