कांग्रेसका सांसदलाई विज्ञ राखेर लगानी सहजीकरण विधेयकमा अभिमुखीकरण

१२ असार, काठमाडौं । सरकारले ल्याएको लगानी सहजीकरण विधेयकबारे  नेपाली कांग्रेसले आफ्ना सांसदहरूलाई जानकारी गराउने भएको छ । कांग्रेस सचेतक सुशिला थिङका अनुसार बुधबार सिंहदरबारमा विज्ञ बोलाएर विधेयकबारे जानकारी गराउन लागिएको हो । विज्ञका रुपमा कानुन र व्यवसायीक क्षेत्रका व्यक्तिहरूलाई बोलाइएको छ ।  
 
लगानी सहजीकरण विधेयकमाथि विज्ञ र सरोकारवालासँग हुने छलफलमा कांग्रेसका सवै सांसदलाई अनिवार्य उपस्थित हुन भनिएको थिङले बताइन् । कांग्रेस संसदीय दलको कार्यालय सिंहदरबारमा दिउँसो १ बजेदेखि लगानी सहजीकरण विधेयकमाथि छलफल हुनेछ । 

छलफलमा कांग्रेस संसदीय दलका प्रमुख सचेतक रमेश लेखक, वरिष्ठ अधिव्यक्ता राधेश्याम अधिकारी, ओमप्रकाश अर्याल, उद्योग बाणिज्य संघका अध्यक्ष चन्द्रप्रसाद ढकाल, पूर्व उपसभामुख पुष्पा भुसाल र नेपाल उद्योग परिषदका प्रतिनिधिहरु रहनेछन् । प्रतिनिधिसभा र राष्ट्रिय सभाका कांग्रेस सांसद उपस्थित रहनेछन् ।