यी राशीमा ३ दिनपछि आर्थिक संकटको छायाँ पर्न सक्छ !

१२ असार, काठमाडाैं । न्यायका देवता शनिदेव महाराजले मानिसहरूलाई कर्म अनुसार फल प्रदान गर्नुहुन्छ। शनिको उल्टो चालका कारण यी राशीका व्यक्तिहरूलाई आर्थिक नोक्सान हुन सक्छ।

शनि हाल कुम्भ राशीमा विराजमान छ। जुन ३० मा शनि कुम्भ राशीमा प्रतिगामी स्थितिमा जानेछ। शनि सबैभन्दा ढिलो चल्ने ग्रह हो। शनि प्रतिगामी हुने भएकाले यी ४ राशीका व्यक्तिले सावधानी अपनाउनु जरुरी छ ।

मेष - मेष राशीका व्यक्तिहरूले आफ्नो करियर र आर्थिक स्थितिमा शनिको प्रतिगामी प्रभाव देख्नेछन्। जसका कारण उनको करियर र व्यापार प्रभावित हुनेछ । यदि तपाई काम गर्न चाहनुहुन्छ भने तपाईँले धेरै मिहिनेत गर्नुपर्ने हुन सक्छ। व्यवसाय गर्नुहुन्छ भने विभिन्न कठिनाइहरूको सामना गर्नुपर्ने हुन सक्छ।

वृष – शनि प्रतिगामी हुनाले आर्थिक समस्याको सामना गर्नुपर्ला, इच्छित सफलता प्राप्त गर्नमा ढिलाइ हुन सक्छ। व्यापार गर्नु भयो भने समस्याको सामना गर्नु पर्नेछ । यस अवधिमा कुनै पनि नयाँ काम सुरु नगर्नुहोस्।

मिथुन- यस अवधिमा मिथुन राशीका व्यक्तिहरूलाई भाग्यले साथ दिनेछैन। भइरहेका काम बिग्रन सक्छन् । तपाईँको काममा ढिलाइ हुन सक्छ। यस अवधिमा तपाईँको खर्च आवश्यकता भन्दा बढी बढ्न सक्छ।

कन्या - कन्या राशीका व्यक्तिहरूले यस अवधिमा अदालती मुद्दाहरूमा ढिलाइको सामना गर्न सक्छ। तपाईँका शत्रुहरू तपाईँको अगाडि आउन सक्छन् र तपाईँको काममा विनाश ल्याउन सक्छन्। यो अवधिमा शेयर बजारमा लगानी नगर्नुहोस्।