राजदूत चयन र मुख्यसचिवको सरुवामा प्रधानमन्त्री प्रचण्डमाथि संसदमा उठ्यो प्रश्न
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असार १३, २०८१ बिहिबार १४:३६:५३
![](https://nepalbahas.prixacdn.net/media/albums/dahal-khop_mqfdCjYQdD_bE53yRT9fS.jpg)
१३ असार, काठमाडौं । भ्रष्टाचार प्रकरणमा मुछिएका मुख्यसचिव बैकुण्ठ अर्यालको नयाँ पद सिर्जना गरी गरिएको र सरुवा र जथभावी कूटनीतिक मर्यादा विपरित राजदूत नियुक्तिको विषयलाई लिएर संसदमा प्रधानमन्त्री पुष्पकमल दाहाल प्रचण्डमाथि प्रश्न उठेको छ । सांसदहरुले दुवै विषयले देशको साँख गिराएको भन्दै प्रधानमन्त्रीले यसबारे सदनमा जवाफ दिनुपर्ने माग गरिएको छ ।
प्रमुख प्रतिपक्षी दल नेपाली कांग्रेस राजदूत नियुक्तिको निर्णय फिर्ता लिनुपर्ने माग राखेको छ भने राप्रपाले निलम्बनमा परेका मुख्यसचिव अर्यालको सरुवा कुन आधारमा भयो भनेर प्रधानमन्त्रीको जवाफ मागेको छ । प्रतिनिधि सभाको बिहीबारको बैठकमा नेपाली कांग्रेसका सांसद एनपी साउदले राजदूत फिर्ता गरेर नयाँ नियुक्त गर्ने सरकारको निर्णय सच्याउन माग गरेका छन् ।
राप्रपाकी सांसद विना लामाले निलम्बित मुख्य सचिव बैकुण्ठ अर्यालको नियुक्तिबारे प्रधानमन्त्रीले सदनमा जवाफ दिनुपर्ने माग गरेकी छन् । पूर्वपरराष्ट्र मन्त्री समेत रहेका साउदले सरकारले राजदूत फिर्ता गर्दा अन्तर्राष्ट्रिय र कूटनीतिक क्षेत्रमा नेपालको विश्वसनीयता घटेको बताएका छन् । यस विषयमा प्रधानमन्त्रीको कमजोरी रहेकाले सच्याउनुपर्ने उनको माग छ ।
उनले सत्ता गठबन्धनका दलहरूले भागबन्डा गरेर राजदूत नियुक्ति गर्ने काम गलत भएको बताए । यसरी नियुक्ति गर्दा केही नियुक्त गरेका राजदूतहरूले हाम्रो नैतिकताले त्यो जिम्मेवारीमा बस्न मिल्दैन भनेको र यसले सरकारमाथि नैतिक प्रश्न उठको बताए । एउटा मापदण्ड विहीन र स्वीकृति विहीन किसिमको ठाउँमा कसैसँग स्वीकृति नलिई नियुक्ति गर्दा केहीले पद नै परित्याग गर्नुपर्ने अवस्था आएकाले निर्णय फिर्ता हुनुपर्ने उनले बताए ।
उनले नियुक्त गर्नुपर्ने गम्भीर विषयलाई एनजिओमा मान्छे छनौटको विषयवस्तु जस्तो बनाएर सूचना र विज्ञापन निकालेर सार्वजनिक रूपमा राजदूत चयन गरिनुले कुटनीति अस्मिता, मर्यादा र विश्वमा आँच पुगेको उनले बताए ।
यस्तै राप्रपाकी सांसद विना लामाले निलम्बित मुख्य सचिव बैकुण्ठ अर्यालको नियुक्तिबारे प्रधानमन्त्रीले सदनमा जवाफ दिनुपर्ने माग गरिन । अवकाशको तीन दिन बाँकी रहेका व्यक्तिलाई मुख्यसचिव बनाएर राज्यलाई थप आर्थिक दायित्व बोकाउन नेतृत्व गर्ने प्रधानमन्त्रीलाई नैतिक प्रश्न हो कि होइन ? भन्दै प्रश्न गरिन् ।
सरकारले यतिधेरै महत्व दिएका मुख्यसचिव अहिले भ्रष्टाचार मुद्दामा निलम्बित छन् । अवकाश पाउन तीन दिन बाँकी रहेका व्यक्तिलाई मुख्यसचिव बनाएर राज्यलाई थप आर्थिक दायित्व बोकाउन नेतृत्व गर्ने प्रधानमन्त्रीलाई नैतिक प्रश्न हो कि होइन ? प्रधानमन्त्रीले जवाफ दिनुपर्छ, उनले भनिन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकृषि क्षेत्रको विकासबिना मुलुकको समृद्धि असम्भवः मन्त्री गिरी
असार १५, २०८१ शनिबार
ओलीलाई भेट्न पत्नी आरजुसहित देउवा किन पुगे बालकोट ?
असार १५, २०८१ शनिबार
वामपन्थी सहकार्यलाई सफल बनाएर एकताको ढोका खोल्नुपर्छः प्रधानमन्त्री प्रचण्ड
असार १५, २०८१ शनिबार
बसमा सवार यात्रुको मृत्यु, चालक र सहचालक पक्राउ
नेपालबहस संवाददाता
असार १३, २०८१ बिहिबार
फेल भएका एक लाख २६ हजार विद्यार्थीले कक्षा १० मा दोहोर्याएर पढ्नुपर्ने
नेपालबहस संवाददाता
असार १३, २०८१ बिहिबार
६ अर्ब रकम ठगेको आरोपमा पुल्चोकस्थित लालीगुराँस सहकारीका सीईओ भण्डारी पक्राउ
असार १५, २०८१ शनिबार
रौतहटमा यात्रुबाहक बस दुर्घटना हुँदा एकको मृत्यु , ८ जना घाईते
असार १५, २०८१ शनिबार
प्रेस युनियनले ताला लगाएपछि कार्यालय छोडेर भाग्यो पत्रकार महासंघको निर्वाचन समिति
असार १५, २०८१ शनिबार
भारतले जित्यो टी- २० विश्वकपको उपाधि
असार १५, २०८१ शनिबार
पछिल्लो २४ घण्टामा विपद्जन्य घटनामा परी १० जनाको मृत्यु, तीन घाइते
असार १५, २०८१ शनिबार
विराट कोहलीको अर्धशतकको मदतमा भारतले दक्षिण अफ्रिकालाई दियो १७७ रनको लक्ष्य
असार १५, २०८१ शनिबार
असार १५ दही च्यूरा खाएर मनाइयो
असार १५, २०८१ शनिबार
पशुपति क्षेत्रमा त्रिशूल जात्रा
असार १५, २०८१ शनिबार
कृषि क्षेत्रको विकासबिना मुलुकको समृद्धि असम्भवः मन्त्री गिरी
असार १५, २०८१ शनिबार