वर्षाले दिल्लीको जनजीवन तहसनहस, सरकारले बोलायो आपतकालीन बैठक
इन्दिरा गान्धी अन्तर्राष्ट्रिय विमानस्थलको टर्मिनल भवनको छत खस्दा एकको मृत्यु
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असार १४, २०८१ शुक्रबार १४:४:१५
![](https://nepalbahas.prixacdn.net/media/albums/Delhi-Monsoon_wyBF8vteII_AU9xdd5c4f.jpg)
१४ असार, काठमाडौं । भारतको राजधानी दिल्लीमा शुक्रबार भारी वर्षाका कारण इन्दिरा गान्धी अन्तर्राष्ट्रिय विमानस्थलको टर्मिनल भवनको छत खस्दा एक जनाको मृत्यु भएको छ
भारी वर्षासँगै छत भत्किएर च्यापिँदा एक जना ट्याक्सी चालकको मृत्यु भएको छ भने आठ जना घाइते भएका छन्। समाचार एजेन्सीका अनुसार १० वटा सवारी साधन च्यापिँदा केही घाइते छन् । अहिले धेरै उडानहरु रद्द भएका छन् ।
सवारी साधनको भिड जम्मा भएको बेला टर्मिनल भवनको छत खसेको थियो । ठूला–ठूला बिम कारहरुमाथि बज्रिएका थिए । स्थलगत अवलोकन गर्न केन्द्रीय नागरिक उड्डयन मन्त्री राममोहन नायडु सहितका अधिकारीहरु घटनास्थलमा पुगेका छन् ।
मन्त्री नायडुका अनुसार सन् यो सन् २००९ मै निर्माण भएको थियो । घटनाको सत्यतथ्य जाँच हुने उनले बताए । उनले देशका अन्य विमानस्थलको भौतिक पूर्वाधारको अवस्थाको पनि जाँच गर्ने बताए । मन्त्री नायडुले मृतकका परिवारलाई २० लाख र घाइतेलाई ३ लाख रुपैयाँको दरले राहत दिने घोषणासमेत गरे ।
अविरल वर्षाका कारण धेरै ठाउँमा सडक डुबानमा परेका छन् । जसका कारण दिल्लीको यातायात प्रभावित भएको छ । यशभूमि द्वारका सेक्टर २५ एयरपोर्ट एक्सप्रेस लाइनको मेट्रो स्टेशन बन्द गरिएको समाचार एजेन्सी बीबीसी हिन्दीले जनाएकाे छ। जसका कारण सर्वसाधारण यात्रुलाई निकै समस्या परेको छ ।
आईएमडीले दक्षिणपश्चिम मनसुनले पश्चिम राजस्थान, पूर्वी राजस्थानको बाँकी भाग, हरियाणाको केही भाग, पूरै दिल्ली, पश्चिम उत्तर प्रदेश, मध्य प्रदेश, छत्तीसगढ, पश्चिम बंगाल, झारखण्ड, बिहारको बाँकी भाग र पूर्वी उत्तरलाई कभर गर्ने जनाएको छ।
मौसम विभागका अनुसार मनसुन जैसलमेर, चुरु, भिवानी, दिल्ली, अलिगढ, कानपुर, गाजीपुर, गोंडा, खेरी, मुरादाबाद, देहरादून, उना, पठानकोट, जम्मू हुँदै जानेछ। दक्षिणपश्चिम मनसुन आगामी २-३ दिनमा पश्चिम राजस्थान, हरियाणा, चण्डीगढ र पञ्जाब, उत्तराखण्ड, हिमाचल प्रदेश र जम्मुका बाँकी भागहरूमा प्रवेश गर्ने सम्भावना छ।
यसैबीच, दिल्लीमा जलमग्न र वर्षाको विषयमा आपतकालीन बैठक बोलाइएको छ । बैठकमा दिल्ली सरकारका सबै मन्त्री सहभागी हुनेछन् । बैठक शुक्रबार दिउँसो २ बजेपछि दिल्ली सचिवालयमा बस्नेछ । बैठकमा सबै वरिष्ठ अधिकारी पनि सहभागी हुनेछन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउत्तरी गाजामा तेस्रो दिन पनि भिडन्त, हजारौं विस्थापित
असार १६, २०८१ आइतबार
पाकिस्तान र इरानबाट तेह्र हजारभन्दा बढी अफगानी आप्रवासी फिर्ता
असार १६, २०८१ आइतबार
आकस्मिक हडतालपछि ४०० भन्दा बढी उडान रद्द, ४९ हजार यात्रु प्रभावित
असार १६, २०८१ आइतबार
सिंहदरबार पुगेर ओलीले प्रचण्डलाई सुनाए देउवाका कुरा
असार १६, २०८१ आइतबार
नेपालमै पहिलो पटक रोबोटबाट ३ बिरामीको सर्जरी, बिएण्डबीले राख्यो रेकर्ड !
असार १६, २०८१ आइतबार
अहिलेको आवश्यकता उद्यमशीलता र व्यावसायिकता हो : अध्यक्ष ओली
असार १६, २०८१ आइतबार
विवाद समाधान गरी निर्वाचन प्रक्रियामा जान पत्रकार महासंघलाई पूर्वसभापतिहरुकोे अपिल
असार १६, २०८१ आइतबार
रवीन्द्र जडेजाले पनि लिए टि–२० बाट सन्न्यास
असार १६, २०८१ आइतबार
पेट्रोलियम पदार्थको मूल्य बढ्यो
असार १६, २०८१ आइतबार
भक्तपुरका विद्यार्थी धान रोपाईमा व्यस्त
असार १६, २०८१ आइतबार
वैध कागजातका अभावमा मलेसियामा धेरै नेपाली बन्दी
असार १६, २०८१ आइतबार