कोलोम्बिया कोपा अमेरिकाको क्वाटरफाइनलमा

१५ असार, काठमाडौं । कोलोम्बिया जारी कोपा अमेरिकाको क्वाटरफाइनलमा पुगेको छ । शनिबार बिहान सम्पन्न खेलमा कोलोम्बियाले कोस्टारिकालाई ३-० गोल अन्तरले पराजित गर्दै समूह डी बाट क्वाटरफाइनलमा आफ्नो स्थान सुरक्षित गरेको हो । कोलोम्बियाको जितमा लुइस डियाज, डाभीन्सन सान्चेज र जोन कोरडोबाले एक एक गोल गरेका थिए । 

यो जितपछि कोलोम्बियाको २ खेलमा ६ अंक भएको छ र क्वाटरफाइनलमा आफ्नो स्थान सुरक्षित गरेको छ । त्यस्तै कोस्टा रिकाको भने २ खेलमा एक अंक रहेको छ । अब समूह चरणको अन्तिम खेलमा कोलोम्बियाले जुलाई ३ मा ब्राजिलको सामना गर्ने छ । त्यस्तै सोही दिन कोस्टारिकाले पराग्वेको सामना गर्ने छ ।