क्यानडा कोपा अमेरिकाको क्वाटरफाइनलमा

१६ असार, काठमाडौं । क्यानडा कोपा अमेरिकाको क्वाटरफाइनलमा पुगेको छ । समूह चरणको अन्तिम खेलमा चिलीसँग गोल रहित बराबरी खेलेसँगै क्यानडा प्रतियोगिताको क्वाटरफाइनलमा पुगेको हो ।

क्यानडाको ३ खेलमा ४ अंक रहेको छ र समूहमा दोस्रो हुँदै क्वाटरफाइनलमा पुगेको छ । यो बराबरीसहित चिली कोपा अमेरिकाबाट बाहिरिएको छ । त्यस्तै समूह ए को अर्को खेलमा पेरु अर्जेन्टिनासँग २-० ले पराजित भएसँगै समूहमा ३ खेलमा एक अंकसहित चौथो भएर बाहिरिएको छ ।