नागरिक उन्मुक्ति पार्टीे संसदीय दलको नेतामा गंगाराम चयन, रञ्जितालाई हटाइयो

१७ असार, काठमाडौं ।  नागरिक उन्मुक्ति पार्टी (नाउपा) को  संसदीय दलको नेताबाट अध्यक्ष रञ्जिता श्रेष्ठलाई हटाइएको छ । श्रेष्ठलाई दलको नेताबाट हटाउँदै बहुमत सांसदले गंगाराम चौधरीलाई दलको नेता चयन गरेका छन्। चौधरी यसअघि प्रमुख सचेतक थिए ।

प्रतिनिधिसभामा नागरिक उन्मुक्ति पार्टीका चार सांसद छन् । जसमध्ये गंगा चौधरी, अरुण चौधरी र लालवीर चौधरी (रेशम चौधरीका बुबा)ले श्रेष्ठलाई दलको नेताबाट हटाएका हुन् । गंगा चौधरीलाई दलको नेता चयन गरेपछि प्रमुख सचेतकको जिम्मेवारी लालवीर चौधरीलाई दिइएको छ ।