अनलाइन माध्यमबाट बालबालिकामाथि हुने हिंसा रोक्न सरोकारवाला प्रतिबद्ध
नेपालबहस संवाददाता
असार १७, २०८१ सोमबार १९:४७:४०
१७ असार, काठमाडौं । बालबालिकामाथि डिजिटल माध्यमबाट हुने यौन हिंसा रोक्न माग गर्दै गैरसरकारी संस्था सिविन नेपालले महिला, बालबालिका तथा ज्येष्ठ नागरिक मन्त्रालयलाई ज्ञापनपत्र बुझाएको छ। सोमबार राजधानीमा आयोजित कार्यक्रममा सिविनले मन्त्रालयका उपसचिव एवं बाल संरक्षण तथा विकास शाखा प्रमुख दीपक ढकाललाई ज्ञापन पत्र बुझाएको हो।
संस्थाका कार्यक्रम निर्देशक कुमार भट्टराईले उपसचिव ढकाललाई १३ बुँदे ज्ञापनपत्र बुझाएका हुन्। पछिल्लो समय अनलाइनमा बालबालिकाको उपस्थिति बढेसँगै बालबालिकामाथि हिंसा र दुर्व्यवहारको नयाँ प्रवृत्ति देखिएको सिविनको ठहर छ। बालबालिकाले उचित र सही प्रयोगबारे पर्याप्त जानकारीबिना इन्टरनेट प्रयोग गरिरहेकाले उनीहरू यौनजन्य हिंसामा परेको निर्देशक भट्टराईले बताए।
'पीडकलाई कानुनी दायरामा ल्याउन चुनौतीपूर्ण छ। अनलाइनमा यौन शोषणमा परेका बालबालिकामा गम्भीर मानसिक समस्या देखिने गरेको छ। समयमै व्यवस्थापन गर्न नसके यसले विकराल समस्याको रूप लिनेछ,' उनले भने।
सिविनले स्थानीय तहमा बाल कल्याण अधिकारीको व्यवस्था गरी अनलाइन बाल संरक्षणसँग सम्बन्धित विषयमा जानकार एवं प्राविधिकको व्यवस्था गर्न माग गरेको छ। बालबालिकामाथि अनलाइनबाट हुने यौनजन्य हिंसासम्बन्धी विद्यालयको पाठ्यक्रममा समेटिएका विषयवस्तुलाई अध्यावधिक गरी शिक्षक, अभिभावक र व्यवस्थापन समितिलाई प्रशिक्षित गर्न माग गरिएको छ। जनस्तरमा जनचेतनामूलक कार्यक्रम आवश्यक पर्ने औंल्याइएको छ।
'नेपाल प्रहरीको साइबर ब्यूरोमा बालबालिकाको घटना हेर्ने छुट्टै डेस्कको व्यवस्था गरियोस्। सहज रिपोर्टिङ व्यवस्था गरियोस्। अनलाइन यौन हिंसाको सिकार भई मानसिक समस्यामा रहेका बालबालिकाको स्वास्थ्यमा ध्यान दिइयोस्। पीडक जहाँ र जस्तो अवस्थामा भए पनि कानुनी दायरामा ल्याइयोस्,' सिविनको सुझाव छ।
बालबालिकासम्बन्धी निर्माण गरिने नीति यौनिक तथा लैंगिक अल्पसंख्यक समुदाय, अपाङ्गता भएका एवं सीमान्तकृत समुदायको समेत प्रतिनिधित्व हुने व्यवस्था गर्न सुझाइएको छ। सामाजिक सञ्जालमा राखिने भिडियोको समेत नियमन हुनुपर्ने सिविनको माग छ।
अनलाइन बाल संरक्षणका विषयमा संघ, प्रदेश र स्थानीय तहबाट कार्यक्रम तर्जुमा तथा बजेटको अनिवार्य विनियोजनको व्यवस्था गरिनुपर्ने माग सिविनको छ। 'नेपाल टेलिकम, एनसेललगायत सेवा प्रदायक नियकाय तथा संस्थालाई अनलाइनमा बाल संरक्षणको विषयमा निरन्तर सूचना प्रवाह गर्नुपर्ने बाध्यात्मक व्यवस्था मिलाइनुपर्छ। इन्टरनेट अनलाइनमा बालसंरक्षणका सवालमा गरिने जनचेतनामूलक कार्यक्रममा बालसमूह एवं किशोरकिशोरी सञ्जाललाई सहभागी गराइयोस्,' निर्देशक भट्टराईले भने।
इन्टरनेट अनलाइनमा बाल संरक्षणका सवालमा थप अध्ययन तथा अनुसन्धान गर्ने प्रक्रिया अगाडि बढाउन पनि सिविनले माग गरेको छ। देशका विभिन्न क्षेत्रका बालबालिकामाथि अध्ययन तथा अनुसन्धान गरेर सरोकारबालाकै अपेक्षामा सुझाव तयार पारिएको भट्टराईको भनाइ छ।
कार्यक्रममा महिला, बालबालिका तथा ज्येष्ठ नागरिक मन्त्रालयका उपसचिव ढकाल, राष्ट्रिय बाल अधिकार परिषद्का उपाध्यक्ष बमबहादुर बानिया, सञ्चार तथा सूचना प्रविधि मन्त्रालयका उपसचिव राजकुमार महर्जन, नेपाल प्रहरी साइबर ब्युरोका डीएसपी प्रधिन कार्की, सिविनका अध्यक्ष माधव प्रधान र सिविनकै कार्यक्रम निर्देशक माधव लोहनीले आ-आफ्नो धारणा राखेका थिए। सबैले बालबालिकामाथि अनलाइन माध्यमबाट हुने यौनजन्य हिंसा रोक्न प्रभाकारी भूमिका निर्वाह गर्ने प्रतिबद्धता जनाएका थिए। समारोहमा इन्टरनेट अनलाइनमा बाल यौन शोषणसम्बन्धी सचेतना पुस्तिका पनि विमोचन गरिएको थियो।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआज देशका विभिन्न स्थानमा भारी वर्षा हुने
असार २०, २०८१ बिहिबार
मापदण्ड विपरीत तेल उत्पादन गर्ने कम्पनीलाई जरिवाना
असार १९, २०८१ बुधबार
विपद्जन्य घटनाबाट झापामा एक वर्षमा १५ जनाको मृत्यु, १३ करोडभन्दा बढी क्षति
असार १९, २०८१ बुधबार
एआईजी कि हबल्दार मेजर ?
नेपालबहस संवाददाता
असार १८, २०८१ मंगलबार
सभापति देउवासँग अध्यक्ष नेपालको भेट
नेपालबहस संवाददाता
असार १८, २०८१ मंगलबार
सत्ता सजिलै नछाड्ने प्रधानमन्त्री प्रचण्डको संकेत, अब कसरी गठन हुन्छ नयाँ सरकार ?
असार १९, २०८१ बुधबार
महामन्त्री ढकाल बैठक छाडेर निस्किएपछि रास्वपा बैठक स्थगित
असार १९, २०८१ बुधबार
रास्वपाले लुकाउन नसकेका पाँच झूट
असार १९, २०८१ बुधबार
आज देशका विभिन्न स्थानमा भारी वर्षा हुने
असार २०, २०८१ बिहिबार
तपाईको आजको राशीफल कस्तो छ ?
असार २०, २०८१ बिहिबार
भ्रष्टाचारका त्रिमूर्ति: पालै पालो ओगट्छन् कुर्सी
असार २०, २०८१ बिहिबार
मापदण्ड विपरीत तेल उत्पादन गर्ने कम्पनीलाई जरिवाना
असार १९, २०८१ बुधबार
एकीकृत समाजवादीको महाधिवेशनमा प्रस्तुत सबै दस्तावेज अनुमोदन
असार १९, २०८१ बुधबार
आइडियल यमुना सहकारीका अध्यक्ष केबी उप्रेती पक्राउ, ८ अर्ब हिनामिना गरेको आरोप
असार १९, २०८१ बुधबार