धितोपत्र बोर्ड अध्यक्ष छान्न पुरानै सदस्य रहेको नयाँ समिति गठन

१७ असार, काठमाडौं । सरकारले धितोपत्र बोर्डको अध्यक्ष चयन गर्न समिति गठन गरेको छ । मन्त्रिपरिषदको बैठकले बोर्ड अध्यक्ष छान्न यसअघिकै सदस्यहरू रहेको समिति गठन गरेको हो राष्ट्रिय योजना आयोगका उपाध्यक्ष मिनवहादुर श्रेष्ठको अध्यक्षतामा गठित समितिमा अर्थ मन्त्रालयका सचिव मधु मरासिनी र प्राध्यापक उदय निरौला सदस्य छन् ।

यसअघि पनि सोही समितिले काम गरेको थियो । आवेदक ५ जनामध्ये ३ जना अन्तर्वार्तामा नआएपछि छनौट प्रक्रिया रद्द भएको थियो । नवगठित समितिले मंगलवारबाटै काम गर्ने बताइएको छ ।