कांग्रेस–एमाले गठबन्धनबारे बालेन शाहको टिप्पणी : यो समय गिरीबन्धु चियाको हो !

१८ असार, काठमाडौं । काठमाडौँ महानगरका मेयर बालेन शाहले कांग्रेस- एमालेको गठबन्धन बनेपछि गिरीबन्धु चिया प्रकरणमा व्यंग्य गरेका छन् । 

सामाजिक सञ्जालमा टिप्पणी गर्दै बालेनले यो कांग्रेस सभापति शेरबहादुर देउवा र एमाले अध्यक्ष केपी शर्मा ओलीले चिया पिएको तस्बीरसँगै यो गिरीबन्धु चियाको समय हो भनेका छन् ।

उनले भनेका छन्- 'यो समय गिरीबन्धु चियाको हो । काले काले मिलेर खाऊ भाले ।' गिरीबन्धु टी-स्टेट प्रकरणमा सर्वोच्चको फैसलापछि बालेनले ओली नेतृत्वको सरकारले अर्बौंको नीतिगत भ्रष्टाचार गरेको भन्दै आवाज उठाइरहेका छन् ।