ओलीको आग्रह विपरित प्रधानमन्त्री: गलेर राजीनामा नदिने, विश्वासको मत सामना गर्ने
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असार १८, २०८१ मंगलबार ११:५४:११
![](https://nepalbahas.prixacdn.net/media/albums/oli__2_3LsNSqac03_v3J7gRvhca.jpg)
१८ असार, काठमाडौं । राष्ट्रिय सरकार गठनका लागि राजीनामा दिन नेकपा एमालेका अध्यक्ष केपी शर्मा ओलीले गरेको आग्रह प्रधानमन्त्री पुष्पकमल दाहाल प्रचण्डले अस्वीकार गरेका छन् । उनले संविधान चलाउन खोजेकाले यसमा माओवादीको साथ नमिल्ने जवाफ दिएका छन् । प्रधानमन्त्री प्रचण्डले एक महिना प्रधानमन्त्रीमा रहेर विश्वासको मत सामना गर्ने बताएका छन् ।
माओवादी केन्द्रले पनि प्रधानमन्त्री प्रचण्डले राजीनामा नदिने निर्णय गरेको छ । मंगलबार प्रधानमन्त्री निवास बालुवाटारमा बसेको माओवादी पदाधिकारीको आकस्मिक बैठकले राजीनामा नदिई विश्वासको मतको सामना गर्ने निर्णय गरेको हो । नेपाली कांग्रेस र नेकपा एमालेबीच सत्ता सहकार्यको सहमतिपछि मंगलबार बालुवाटारमा बसेको नेकपा माओवादीको पदाधिकारी बैठकबाट विश्वासको मत लिने निर्णय गरिएको हो ।
बैठकपछि माओवादी सचिव देवेन्द्र पौडेलले नेपालबहससँग भने, ‘प्रधानमन्त्रीलाई गलाउन खोजियो । सहमति तोडेर गएपछि गलेर पद छोड्ने कुरा भएन । विश्वासको मतको सामना गर्ने कुरा भएको छ । अझै कांग्रेस वा एमालेको सरकार बन्ने क्लिएर भएको छैन । प्रधानमन्त्रीले विश्वासको मत पाउन नसके कुन धारामा जाने भन्ने निर्णय राष्ट्रपतिबाट हुन्छ । बहुमतको सरकार बन्ला । राष्ट्रिय सहमतिको सरकार बन्दैन ।,
यसअघि एमाले ओलीले प्रधानमन्त्री प्रचण्डलाई पदबाट राजीनामा गर्न आग्रह गरेका थिए । आज बिहान प्रधानमन्त्री निवास बालुवाटार पुगेर प्रधानमन्त्री प्रचण्डलाई भेटेका ओलीले कांग्रेस र एमालेबीच मिलेर जाने सहमति भएकाले मार्ग प्रशस्त गर्न आग्रह गरेका थिए । प्रधानमन्त्री प्रचण्डले ओलीलाई समझदारी कसरी भत्कियो भनी प्रश्न गरेका थिए । उनले संविधान चलाउने खोजेको हो भनी ओलीलाई सोधेका थिए । ओलीले मुख्य राजनीतिक मुद्दाहरूमा अहिले पनि समझदारी नै कायम रहने जवाफ दिँदै आफूलाई सघाउन आग्रह गरेका थिए ।
संविधान चलाउने कुरा गर्नुभएको छ । त्यो हामी सम्भव देख्दैनौँ । प्रचण्डले ओलीलाई भनेका थिए । संविधान नै मान्दिनौँ भनेर हिँडेका विप्लव समूहदेखि मधेशका केही पक्षसमेत स्वीकार्ने ठाउँमा आइपुगेका छन् । अब संविधान चलाउन थाल्नुभयो भने माओवादीले द्वन्द्व गर्नुपर्दैन, बहुआयामिक द्वन्द्व हुन सक्छ, प्रचण्डले ओलीलाई भनेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअशोक राई नेतृत्वको जसपाका मन्त्रीले राजीनामा दिने
असार २०, २०८१ बिहिबार
प्रधानमन्त्रीले साथदिन भनेपछि गोजीबाट राजीनामा नझिकि फर्किए रास्वपाका मन्त्रीहरू
असार २०, २०८१ बिहिबार
नेकपा एसको महाधिवेशन: २१ पदाधिकारीसहित २९९ केन्द्रीय कमिटी चयन गर्दै
असार २०, २०८१ बिहिबार
एआईजी कि हबल्दार मेजर ?
नेपालबहस संवाददाता
असार १८, २०८१ मंगलबार
सभापति देउवासँग अध्यक्ष नेपालको भेट
नेपालबहस संवाददाता
असार १८, २०८१ मंगलबार
रास्वपाले लुकाउन नसकेका पाँच झूट
असार १९, २०८१ बुधबार
महामन्त्री ढकाल बैठक छाडेर निस्किएपछि रास्वपा बैठक स्थगित
असार १९, २०८१ बुधबार
आइडियल यमुना सहकारीका अध्यक्ष केबी उप्रेती पक्राउ, ८ अर्ब हिनामिना गरेको आरोप
असार १९, २०८१ बुधबार
मुगुका ३५ जना उत्कृष्ट किसान पुरस्कृत
असार २०, २०८१ बिहिबार
फौजी कीराले मकैबाली नष्ट
असार २०, २०८१ बिहिबार
कोशीदेखि सुदूरपश्चिमसम्म आज भारी वर्षा
असार २०, २०८१ बिहिबार
अशोक राई नेतृत्वको जसपाका मन्त्रीले राजीनामा दिने
असार २०, २०८१ बिहिबार
बिहीबार तोलामा १६ सयले बढ्यो सुनको मूल्य
असार २०, २०८१ बिहिबार