सभापति रवि लामिछानेले बैठक लाइभ नगरी बोल्न रोकेको भन्दै महामन्त्री ढकालले टाले मुख

१९ असार, काठमाडौं । पार्टीमा बोल्न नदिइएको भन्दै राष्ट्रिय स्वतन्त्र पाटी (रास्वपा) का महामन्त्री मुलुक ढकालले मुखमा टेप टाँसेर विरोध जनाएका छन् । उनी कालो टेपले मुख थुनेर केन्द्रीय समिति बैठकमा सहभागी भएका छन् । उनले बोल्न पाउने अधिकार हनन भएको भन्दै मुखमा टेप टाँसेका हुन् ।

रास्वपामा उनले ३२ पृष्ठको प्रतिवेदन सभापतिलाई बुझाएका छन् । पार्टीको केन्द्रीय समितिको बैठक प्रत्यक्ष प्रसारण नगरिएको भन्दै महामन्त्री डा. ढकालले मुखमा कालो टेप टाँसेर विरोध जनाएका छन् । बिहान साढे ८ बजेबाट पार्टी केन्द्रीय कार्यालय बालाजुमा बसेको बैठकको लाइभ नगरेपछि महामन्त्री ढकालले मुखमा कालो टेप टाँसेर बैठकको विरोध गरे । 

बैठकमा पछिल्ला राजनीतिक घटनाक्रमबारे छलफल भइरहेको छ । साथै नयाँ सत्ता समीकरण, महामन्त्री डा. मुकुल ढकालले बुझाएको प्रतिवेदनमाथि छलफल गरि र पार्टीले आफ्नो धारणा बनाउने बताइएको छ । ढकालले केही दिन अघिदेखि नै बैठक लाइभ गर्न माग गर्दै आइरहेका थिए । तर आजको बैठकमा लाइभ नगरेपछि उनले सांकेतिक रुपमा विरोध गरेका हुन् ।