महामन्त्री ढकाल बैठक छाडेर निस्किएपछि रास्वपा बैठक स्थगित

१९ असार, काठमाडौं । महामन्त्री मुकुल ढकाल बैठक छाडेर निस्किएपछि राष्ट्रिय स्वतन्त्र पार्टी (रास्वपा)को केन्द्रीय समिति बैठक केही बेरका लागि स्थगित भएको छ । आज बसेको बैठकमा महामन्त्री  ढकालले ल्याएको प्रतिवेदनमाथि केन्द्रित भएर छलफल भइरहेको छ । बैठकमा सहभागी एक एक नेताका अनुसार आज सबै जसो बोल्ने वक्ताहरुले महामन्त्री केन्द्रित कुराकानी गरिरहेका थिए । उनको कार्यशैलीप्रति तीव्र असन्तुष्ट जनाउँदै नेताहरूले प्रतिक्रिया दिएका थिए।

उपसभापतिहरूले बोलि सकेपछि सभापतिले महामन्त्रीलाई आज उठेका प्रश्नहरूको जवाफ दिन भनेका थिए । तर महामन्त्रीले भने बोल्न मानेनन् । त्यस क्रममा केन्द्रीय सदस्यहरूले उठेको प्रश्नको जवाफ महामन्त्री स्वयंले दिनुपर्छ भनेर माग गरे। मिडियामा बोल्न दिएन भन्ने यहाँ चाहिँ बोल्न दिँदा पनि नदिने भनेर प्रश्नहरू गरेपछि महामन्त्री म एकछिन निस्किन्छु भनेर बैठक छाडेर निस्केपछि सभापतिले एकछिनलाई बैठक स्थगित गरेको एक नेताले बताए ।